The news is by your side.

Advertisement

عرب دنیا میں سعودی فضائیہ کی دھاک

ریاض: سعودی فضائیہ نے حربی استعداد کے حوالے سے تمام عرب ممالک کو پیچھے چھوڑ دیا ہے اور دنیا میں نمایاں مقام حاصل کرلیا ہے۔

سبق ویب سائٹ نے سعودی فضائیہ کے استعداد کار سے متعلق تفصیلی رپورٹ شائع کی ہے، رپورٹ کے مطابق سعودی فضائیہ کے پاس مختلف قسم کے 889 جنگی طیارے ہیں، ان میں سے 279 لڑاکا، 81 حملہ آور اور 258 ہیلی کاپٹر ہیں، جن میں سے 34 حملہ آور ہیلی کاپٹر ہیں۔ 186 طیارے جنگی تربیت اور 50 طیارے فضائی نقل و حمل کے لیے ہیں۔

ایف 15 ایگل طیاروں کو سعودی فضائیہ کا اہم ہتھیار تصور کیا جاتا ہے، دشمن پر اندر تک جاکر اسٹرٹیجک ٹھکانوں پر حملہ کرکے واپس آسکتے ہیں۔

رپورٹ کے مطابق سعودی فضائیہ کے پاس ٹورنیڈو طیارے ہیں، یہ کثیر المقاصد جنگی طیارے ہیں اور متعدد خصوصیات کے مالک ہیں، یہ حملہ آور دشمن کے تعاقب کی صلاحیت رکھتے ہیں اور نچلی پرواز کرسکتے ہیں جبکہ آواز سے زیادہ تیز رفتار ہیں۔

سعودی فضائیہ کے پاس آئی ایچ 64 اپاچی ہیلی کاپٹر ہیں، یہ امریکی فوج کے اہم لڑاکا ہیلی کاپٹر مانے جاتے ہیں،ہر طرح کے موسم میں حملہ کرسکتے ہیں اور شدید معرکوں میں بہترین کام کرسکتے ہیں۔

سبق ویب سائٹ کے مطابق جنگی طیاروں اور تجربہ کار ہوابازوں کے لحاظ سے سعودی عرب پوری عرب دنیا میں پہلی پوزیشن جبکہ فضائی استعداد کے حوالے سے 139 ممالک میں بارہویں پوزیشن اور جنگی طیاروں کی طاقت کے حوالے سے دنیا میں نویں پوزیشن پر ہے۔

رپورٹ کے مطابق مسلح افواج پر سالانہ بجٹ کے حوالے سے سعودی عرب دنیا میں تیسرے نمبر پر ہے، سعودی عرب نے فوج کو جدید تر بنانے کے لیے 175 ارب ریال کا بجٹ مخصوص کیا ہے۔

Comments

یہ بھی پڑھیں