The news is by your side.

Advertisement

گذشتہ 5 سالوں میں بلاول بھٹو نے کتنا ٹیکس ادا کیا؟

اسلام آباد: چیئرمین پاکستان پیپلز پارٹی ورکن قومی اسمبلی بلاول بھٹو زرداری نے گذشتہ پانچ سالوں میں کتنا ٹیکس ادا کیا؟ تفصیلات منظر عام پر آگئیں۔

تفصیلات کے مطابق بلاول بھٹونے 5 سال میں انکم و زرعی ملا کر2 کروڑ62لاکھ 30ہزار691ٹیکس اداکیا، چیئرمین پاکستان پیپلز پارٹی نے2017میں مجموعی طورپر41لاکھ 95ہزار482روپے، 2018میں 41لاکھ 52 ہزار 117روپے اور2019میں مجموعی طورپر45لاکھ 65ہزار243روپےٹیکس اداکیا۔

رپورٹ کے مطابق بلاول بھٹو نے2020میں مجموعی طور60لاکھ43ہزار471روپےٹیکس اداکیا جبکہ 2021 میں چیئرمین پی پی پی نے مجموعی طورپر72لاکھ 74ہزار378ٹیکس جمع کروایا۔

یہ بھی پڑھیں: آخری تاریخ گزر گئی، کس سیاست دان نے اثاثوں کی تفصیلات جمع نہیں‌ کرائیں

واضح رہے کہ گذشتہ روز ایف بی آر کی جانب سے اراکین پارلیمان کی سال 2019 کی ٹیکس ڈائریکٹری جاری کی گئی تھی، 80 سینیٹرز اور 312 اراکین قومی اسمبلی نے 2019 میں ٹیکس گوشوارے جمع کرائے گئے تھے۔

ٹیکس ڈائریکٹری 2019 کے مطابق وزیر اعظم عمران خان نے 2019 میں 98 لاکھ 54 ہزار 959 روپے ٹیکس دیا، وزیر اعظم نے 2018 میں 2 لاکھ 82 ہزار روپے ٹیکس جمع کرایا تھا، جب کہ ان کی آمدن 4 کروڑ 45 لاکھ روپے تھی۔

Comments

یہ بھی پڑھیں