The news is by your side.

Advertisement

کورونا ویکسینیشن سرٹیفکیٹ حاصل کرنے کا طریقہ

محکمہ صحت نے ویکسی نیشن سرٹیفکیٹ کے حصول کا طریقہ کار وضع کر دیا۔ ‏

معاون خصوصی صحت ڈاکٹر فیصل سلطان نے ٹوئٹر پر جاری پیغام میں بتایا کہ جس شخص کی ‏ویکسینیشن مکمل ہوگی وہ اپنا ویکسینیشن سرٹیفکیٹ نادرا سے حاصل کر سکتا ہے۔

انہوں نے کہا کہ کوئی بھی شخص اپنا کویڈ امیونائیزشن سرٹیفکیٹ ‏nims.nadra.gov.pk‏ سے بھی ‏حاصل کر سکتا ہے، لوگ ویکسین کروانے کے فوری بعد اپنی تفصیلات کا اندراج ضرور کروائیں۔

دوسری جانب ڈی جی نادرا میر عجم خان درانی کے احکامات پر کراچی کے تینوں میگا سینٹرز پر ‏سرٹیفکیٹ کی سہولت مہیا کردی گئی۔

ڈی جی نادرا سندھ میر عجم خان درانی کے مطابق ویکسینیشن سرٹیفیکٹ کا کراچی میں اجراء ‏شروع کردیا گیا ہے، سرٹیفیکیٹ ‏nims.nadra.gov.pk‏ پر اپنا قومی شناختی کارڈ نمبر اندراج کرکے ‏حاصل کیا جا سکتا ہے۔

میر عجم خان درانی کا کہنا ہے کہ سرٹیفیکیٹ کا اجراء صرف ان افراد کو کیا جائے گا جنہوں نے ‏کووڈ ویکسین کے دونوں ڈوز لگوالیے ہیں کوئی بھی شہری اپنے یا کسی اورفرد کے ویکسینیشن ‏سرٹیفیکیٹ کے حاصل کر سکتا ہے۔

انہوں نے بتایا کہ کراچی سمیت ملک بھر کے نادرا میگا سینٹرز میں 100 روپے کی ادائیگی کے بعد ‏ٹوکن کے ذریعے سرٹیفیکیٹ حاصل کرسکتا ہے۔

نادرا میگا سینٹرز ‏DHA‏: مین کورنگی روڈ، ‏DHA‏ فیز 1، نزد گولڈ مارک شاپنگ مال پر واقع ہے ۔

نادرا میگا سینٹرز نارتھ ناظم آباد: جو کہ یورو ٹوئن ٹاور، مین شیر شاہ سوری روڈ، بلاک ‏L‏ , نارتھ ‏ناظم آباد پر واقع ہے۔

نادرا میگا سینٹرز سیمینز: جو کہ نزد سیمینز چورنگی، سائٹ انڈسٹریل ایریا پر واقع ہے۔

Comments

یہ بھی پڑھیں