The news is by your side.

Advertisement

موسم سرما میں ہونٹوں کو خشکی سے بچانے کا آسان حل

موسم سرما میں ہونٹوں کی خشکی اور کھردرا پن عام مسئلہ ہے جس سے نجات کے لیے مختلف ٹوٹکے اور بازاری پروڈکٹس استعمال کی جاتی ہیں۔

ہونٹوں کو خشکی سے بچانا ضروری ہے ورنہ ہونٹ پھٹنے لگتے ہیں اور ان سے خون رسنے لگتا ہے، یہ ایک طرف تو چہرے کو بدنما بنا دیتا ہے تو دوسری کچھ کھانا پینا بھی نہایت مشکل ہوجاتا ہے۔

روزانہ میک اپ کا استعمال کرنے والی خواتین کے لیے یہ اور بھی بڑا مسئلہ بن جاتا ہے کیونکہ موسم کی خشکی اور روزانہ لپ اسٹک کا استعمال ہونٹوں کی خرابی میں اضافے کا سبب بنتا ہے۔

تاہم ان مسائل کا حل نہایت آسان ہے، اے آر وائی ڈیجیٹل کے مارننگ شو گڈ مارننگ پاکستان میں میک اپ آرٹسٹ وقار حسین نے اس کا نہایت آسان حل بتایا۔

وقار کا کہنا تھا کہ مہنگی پروڈکٹس خریدنے کے بجائے گھر میں موجود اشیا سے ہی ان تمام مسائل کا حل مل سکتا ہے۔ انہوں نے کہا کہ اگر ممکن ہے تو لپ اسٹک کے استعمال سے پہلے لپ اسکربر کا استعمال کیا جائے۔

انہوں نے بتایا کہ میک اپ سے قبل لگایا جانے والا پرائمر اگر لپ اسٹک کے ساتھ مکس کر کے لگایا جائے تو ہونٹ نم اور تر و تازہ رہتے ہیں، پرائمر نہ ہو تو پیٹرولیم جیلی بھی یہی کام سر انجام دے سکتی ہے۔

اس موقع پر شو کی مہمان جویریہ سعود نے بھی ایک ٹپ شیئر کرتے ہوئے بتایا کہ اگر ملائی میں لیموں اور خشخاش ملا کر اس سے چہرے کا مساج کیا جائے تو اس سے چہرے اور ہونٹوں کی ڈیڈ اسکن نکل جاتی ہے اور چہرہ شفاف ہوجاتا ہے۔

Comments

یہ بھی پڑھیں