بعض جسمانی خرابیوں یا نیند کے بے ترتیب شیڈول سے آنکھیں بسا اوقات سوج جاتی ہیں، ایسی پفی آنکھوں کا گھر میں ہی نہایت آسانی سے علاج کیا جاسکتا ہے۔
اے آر وائی ڈیجیٹل کے مارننگ شو گڈ مارننگ پاکستان میں رانی آپا نے سوجی ہوئی آنکھوں کا آسان علاج بتایا۔
انہوں نے بتایا کہ یہ زیادہ تر معدے کی خرابی سے ہوتا ہے، کسی میڈیکشن کے سببب بھی ہونے لگتا ہے یا بعض لوگوں کو بغیر کسی وجہ کے سو کر اٹھنے کے بعد یہ شکایت ہوتی ہے۔
رانی آپا کے مطابق کچی کیری آنکھوں کے لیے بہترین ہے، اس میں اے، بی اور سی تینوں وٹامن ہوتے ہیں۔ ایک کیری لے کر اسے پانی کے ساتھ اچھی طرح بلینڈ کرلیں اور تین چار چمچے ایک پیالے میں الگ کریں۔
اب اس میں 2 چٹکی سہاگہ، ایک چمچ خشک دودھ، اور چند قطرے بادام کے تیل کے شامل کریں۔
اچھی طرح مکس کرنے کے بعد آنکھوں کے اوپر ململ کا کپڑا رکھیں اور اس آمیزے کو اس کے اوپر لگا لیں، پندرہ منٹ لگائے رکھنے کے بعد صاف پانی سے آنکھیں دھو لیں۔
رانی آپا کے مطابق اس عمل کو 15 روز تک باقاعدگی سے دہرائیں، آنکھوں کی سوجن، اس کے ار گرد جھریاں اور سیاہ حلقے غائب ہوجائیں گے۔
