The news is by your side.

Advertisement

گھروں میں لگے وائی فائی کی رفتار تیز کرنے کے طریقے

آج کل گھروں میں وائی فائی کی موجودگی ایک عام بات ہے ، اکثر لوگوں کو اس مسئلہ کا سامنا ہوتا ہے کہ گھر میں وائی فائی کے سگنلز کہیں بہترین موصول ہورہے ہوتے ہیں اور کہیں بہت ہی کم؟ لیکن ان کو اِس مسئلہ کی اصل وجہ معلوم نہیں ہوتی۔

تفصیلات کے مطابق عام طور پر گھروں میں وائی فائی راؤٹر رکھتے ہوئے یہی کوشش کی جاتی ہے کہ اس کے سگنل گھر کے ہر حصے میں مساوی طور پر زیادہ سے زيادہ آئيں تاکہ انٹرنیٹ کے استعمال میں کوئی دشواری کا سامنا نہ کرنا پڑے۔

بعض اوقات ایسا ہوتا ہے کہ ہم وائی فائی ڈیوائس کو رکھتے ہوئے کچھ ایسی بنیادی غلطیاں کرجاتے ہیں، جس کی وجہ سے وائی فائی کے سگنل ڈراپ ہو جاتے ہیں۔

ماہرین کے مطابق آپ کے گھر کی کچھ چیزیں وائی فائی کنکشن کو متاثر کردیتی ہیں، راﺅٹر کو چند چیزوں کے قریب یا ان پر ہی رکھنا سگنلز کو متاثر کرکے انٹرنیٹ کی رفتار کم کردیتا ہے۔

کئی چیزیں ہیں، جو وائی فائی کی رفتار پر اثر انداز ہوتی ہیں مثلاً موٹی دیواریں، فرنیچر، پاور کیبلز اور دیگر الیکٹریکل ڈیوائسز وغیرہ

وائی فائی کو گھر میں موجود دیواریں سے ہٹا کر کھلی جگہ پر لگائیں

گھر میں ماربل، سیمنٹ، کنکریکٹ، پلاسٹر اور ایتٹیں اپنے اندر سے وائی وائی کے سگنل گزرنے نہیں دیتی، جس کی وجہ سے وائی فائی کے سگنل ایک منزل سے دوسری منزل تک نہیں پہنچ پاتے ، اگر آپ چاہتے ہیں کہ ایسا نہ ہو تو اپنی ڈیوائس کسی کھلی جگہ پر لگائیں۔

ڈیوائس کو کمپیوٹر کے مانیٹر کے ساتھ نہ لگائیں

عام طور پر لوگ وائی فائی کے بہتر سگنل کے لیے اس کو کمپیوٹر کے ساتھ ہی لگادیتے مگر مانیٹر کے اندر سے نکلنے والی شعاعیں وائی فائی کے سگنل کی رفتار کم کردیتی ہے، اس لیے وائی فائی ڈیوائس کو مانیٹر کے بہت قریب نہیں لگانا چاہیے-

راﺅٹر کو کسی دھات پر نہ رکھیں

اگر وائی فائی ڈیوائس کو کسی دھاتی ٹیبل پر فکس کی جائے تو اس کے سبب وائی فائی سے نکلنے والی الیکٹرومیگنٹک لہریں دھات کے موصل ہونے کی وجہ سے اس میں جذب ہونا شروع ہو جاتی ہیں، اگر آپ چاہتے ہیں کہ گھر کا انٹرنیٹ کنکشن مسائل سے پاک رہے تو یہ ضروری ہے کہ راﺅٹر کو میٹل کے قریب نہ رکھیں۔

برقی آلات کے ساتھ راﺅٹر فٹ نہ کریں

گھر میں موجود برقی آلات مثلاََ فریج یا واشنگ مشین کے ساتھ وائی فائی ڈیوائس فٹ نہ کریں کیونکہ ان آلات کی نالیوں میں موجود پانی وائی فائی کی لہروں کو کمزور کرنے کا سبب بن سکتے ہیں-

وائی فائی ڈیوائس آئينے کے سامنے نہ لگائیں

آئینے میں جو میٹریل استعمال ہوتا ہے وہ راﺅٹر سے خارج ہونے والی لہروں کو پلٹ کر ان کے اثر کو کمزور کر دیتا ہے اس لیے ڈیوائس کو کبھی بھی آئینے کے سامنے نہیں لگانا چاہیے۔

fb-share-icon0
Tweet 20

Comments

comments

یہ بھی پڑھیں