اسلام آباد : چیف جسٹس اسلام آباد ہائیکورٹ کی عدم موجودگی میں بینچز کی تشکیل اور کیسز مارکنگ کے حوالے سے اہم سرکلر جاری کر دیا گیا۔
تفصیلات کے مطابق اسلام آباد ہائی کورٹ کے رجسٹرار نے چیف جسٹس اسلام آباد ہائی کورٹ کی عدم موجودگی میں بینچز کی تشکیل اور کیسز مارکنگ کرنے سے متعلق اہم سرکلر جاری کر دیا ، چیف جسٹس کی منظوری سے اہم سرکلر جاری کیا گیا۔
جس میں کہا ہے کہ بینچزتشکیل کااختیار چیف جسٹس کا ہی ہو گا، کیس مارکنگ اختیاردستیاب سینئر جج کوحاصل ہوگا ، چیف جسٹس کی عدم دستیابی پرایڈیشنل رجسٹرار بنچ تشکیل کیلئے چیف جسٹس سے ہدایات لیں گے۔
سرکلر میں کہا گیا ہے کہ چیف جسٹس کی ہدایات کے مطابق ایڈیشنل رجسٹرار جوڈیشل عمل کریں گے اور چیف جسٹس کی چھٹی کی صورت میں دستیاب سینئر جج کیس کی مارکنگ کر سکے گا۔
یاد رہے اسلام آباد ہائی کورٹ کے جسٹس محسن اختر کیانی نے اختیار ریگولیٹ کرنے کی سفارش کی تھی۔
