اسلام آباد(27 ستمبر 2025): ملکی تاریخ کی پہلی انسداد سروائیکل کینسر مہم نے حکومت کو چکرا دیا، جھوٹا پروپیگنڈہ جیت گیا۔
ذرائع کے مطابق انسداد سروائیکل کینسر ویکسینیشن مہم نے حکومت کو چکرا دیا، ویکسینیشن مہم سے متعلق من گھڑت، جھوٹا پروپیگنڈہ جیت گیا کیوں کہ بڑی تعداد میں شہریوں نے کینسر ویکسین لگوانے سے انکار کیا ہے۔
ذرائع کا کہنا ہے کہ پولیو کے بعد انسداد سروائیکل کینسر ویکسین سے انکار کے لاکھوں کیسز رپورٹ ہوئے ہیں، مہم کے پہلے نو روز میں ویکسین انکار کے 30 لاکھ کیسز رپورٹ ہوئے۔
ذرائع کا کہنا ہے کہ سروائیکل کینسر ویکسین سے انکار کے بیشتر کیسز پنجاب سے رپورٹ ہوئے، پنجاب میں ایچ پی وی ویکسین انکار کے 21 لاکھ 95793، سندھ میں 6 لاکھ 59997 والدین نے ایچ پی وی ویکسینیشن سے انکار کیا۔
ذرائع کا بتانا ہے کہ آزاد کشمیر میں 1 لاکھ 27229 والدین، اسلام آباد میں 58456 والدین نے ایچ پی وی ویکسین لگوانے سے انکار کیا ہے۔
ذرائع کا بتانا ہے کہ انسداد ایچ پی وی مہم کا ہدف 1 کروڑ 1729787 بچیوں کی ویکسینیشن ہے، انسداد سروائیکل کینسر ویکسینیشن مہم 15 تا 27 ستمبر چلائی گئی۔
جہانگیر خان اے آر وائی نیوز اسلام آباد کے نمائندے ہیں۔ وہ پارلیمانی امور، صحت، کشمیر، جی بی اور پیپلز پارٹی سے متعلق خبریں رپورٹ کرتے ہیں۔