واشنگٹن : کچرا اٹھانے والے ٹرک کے ڈرائیور نے بچے پر گاڑی چڑھا دی، واقعے کی ویڈیو سوشل میڈیا پر وائرل ہوگئی۔
تفصیلات کے مطابق یہ افسوس ناک واقعہ جمعے کو علی الصبح امریکی شہر نیویارک میں پیش آیا جہاں ایک بچہ بورو پارک یشیوا میں زیبرا کراسنگ سے سڑک پار کررہا تھا کہ اچانک ایک ٹرک اس پر چڑھ گیا۔
سوشل میڈیا پر وائرل ہونے والی ویڈیو میں دیکھا جاسکتا ہے کہ ایک بچہ سڑک پار کررہا ہے کہ اچانک ایک ٹرک منظر میں دھمی رفتار سے داخل ہوا اور ڈرائیور نے بچے کو دیکھنے کے باوجود ٹرک کو بریک نہیں لگایا۔
ٹرک کی ٹکر سے بچہ سڑک پر گرگیا مگر ٹرک ڈرائیور نے پھر بھی کچھ دیر بعد بریک لگایا اور پھر گاڑی سے نیچے اتر کر بچے کو دیکھا اور بھاگ گیا۔
متاثرہ بچے نے مقامی خبر رساں ادارے کو بتایا کہ جب ٹرک مجھ پر چڑھا اس وقت سگنل بند تھا اور لال بتی جل رہی تھی اس کے باوجود ٹرک ڈرائیور نے گاڑی نہیں روکی۔
غیر ملکی خبر رساں ادارے کا کہنا تھا کہ نیویارک پولیس ڈپارٹمنٹ کی جانب سے ٹرک ڈرائیور کی تلاش جاری ہے۔
SHOCKING VIDEO: Child Run Over By Garbage Truck In Boro Park pic.twitter.com/0unLT095O6
— Syed Ikhteyaar (@HussainIkhteyar) February 1, 2020
پولیس کا کہنا تھا کہ بچے کو فوری طور پر قریبی اسپتال منتقل کردیا گیا تھا جہاں اسے آنے والے معمولی زخموں کا علاج جاری ہے اور توقع ہے کہ اسے جلد اسپتال سے فارغ کردیا جائے کیونکہ وہ تیزی سے روبا صحت ہے۔