The news is by your side.

ہواوے نے نیا میٹ 8 اسمارٹ فون متعارف کرادیا

کراچی : ہواوے نے نیا میٹ 8 اسمارٹ فون متعارف کرادیا۔

تفصیلات کے مطابق کراچی ایک مقامی ہوٹل میں منعقدہ رنگا رنگ تقریب میں معروف موبائل ساز کمپنی ہواوے نے اپنا نیا میٹ 8 اسمارٹ فون متعارف کرادیا، تقریب میں شوبز کے علاوہ شہر کی معروف شخصیات نے شرکت کی۔

جن میں سعد ہارون ، معروف آرٹسٹ زوئے وکاجی، ماڈل اداکا راور نوجوانوں میں بے حد مقبول گلوکار عذیر جسوال ودیگر موجود تھے۔

پروگرام کی میزبانی کے فرائض ڈاکٹرمنزہ نے انجام دیئے، ہواوے پاکستان کے منیجنگ ڈائریکٹر مسٹر شون نے تقریب سے خطاب کرتے ہوئے کہا کہ ہواوے کی ڈیوائس پاکستان میں بے حد مقبول ہیں۔

انہوں نے بتایا کہ ہم یہاں فخریہ انداز میں نیا میٹ 8 اسمارٹ فون متعارف کروا رہے ہیں، اس موقع پر انہوں نے تقریب کے شرکاء کو اسکرین کے ذریعے میٹ 8 اسمارٹ فون کی خصوصیات سے آگاہ کیا،

ہواوے پاکستان کے عہدیدارعادل مرتضیٰ نے بھی نئی پروڈکٹ کے حوالے سے مزید تفصیلات فراہم کیں۔

Print Friendly, PDF & Email

Comments

comments

یہ بھی پڑھیں