The news is by your side.

Advertisement

ہواوے کو امریکا میں پھر تین ماہ کا ریلیف مل گیا

واشنگٹن : چینی کمپنی ہواوے نے امریکی محکمہ تجارت سے تیسری بار 3 ماہ کا عارضی لائسنس ملنے کا امکان ہے۔

تفصیلات کے مطابق امریکا کی جانب سے پابندیوں کا سامنا کرنے والی چینی کمپنی ہواوے کو امریکی محکمہ تجارت کی جانب سے تیسری بار عارضی جنرل لائسنس دیئے جانے کا امکان ہے۔

رواں سال مئی میں ہواوے پر تجارتی پابندیوں کا نفاذ ہوا تھا مگر امریکی محکمہ تجارت کی جانب سے اس موقع پر چینی کمپنی کو پابندیوں سے 3 ماہ کا استثنی عارضی لائسنس کے اجرا کے ذریعے دیا گیا تاکہ وہ امریکی کمپنیوں سے کاروبار جاری رکھ سکے۔

غیر ملکی خبر رساں ادارے کے مطابق امریکی بلیک لسٹ میں شامل کمپنی کے امریکی کمپنیوں سے کاروبار کے حوالے سے عارضی لائسنس کی مدت 19 اگست کو ختم ہونے پر مزید 3 ماہ کے لیے عارضی لائسنس جاری کیا گیا تھا اور اب یہ مدت 19 نومبر یعنی آج ختم ہوگئی ہے اور اسے ایک بار پھر 3 ماہ کا استثنی دیئے جانے کا امکان ہے۔

مئی میں ہواوے کو بلیک لسٹ کرنے کے بعد امریکی کمپنیوں کو چینی کمپنی کے ساتھ کام کرنے کے لیے حکومتی لائسنس کی ضرورت ہوتی ہے۔

ذرائع کے مطابق امریکی محکمہ تجارت کی جانب سے مزید 90 دن کے لیے عارضی لائسنس جاری کیا جائے گا جس کی بدولت ہواوے ٹیلی کام نیٹ ورکس کے ساتھ کام کرسکے گی جبکہ اس کے فونز کو سافٹ وئیر اپ ڈیٹس بھی ملتی جائیں گی۔

Comments

comments

یہ بھی پڑھیں