حب ریلی کراس 2019: ویمن کیٹگری میں ٹشنا پٹیل کو اپ سیٹ شکست
The news is by your side.

Advertisement

حب ریلی کراس 2019: ویمن کیٹگری میں ٹشنا پٹیل کو اپ سیٹ شکست

حب: حب ریلی کراس 2019 کے سنسنی خیز مقابلے جاری ہیں، ویمن کیٹگری میں ٹشنا پٹیل کو اپ سیٹ شکست کا سامنا کرنا پڑا۔

تفصیلات کے مطابق حب کے دشوار گزار راستوں پر حب ریلی کراس 2019 کا انعقاد کیا گیا، جس میں خواتین و مرد ڈرائیورز حصہ لے رہے ہیں، ویمن کیٹگری میں ٹشنا پٹیل اعزاز کا دفاع کرنے سے محروم رہیں انہیں اسلام آباد سے تعلق رکھنے والی سلمیٰ نے شکست دی۔

خواتین کیٹگری کی نئی چیمپئن سلمیٰ مروت خان بن گئی ہیں، انہوں نے فاصلہ 9 منٹ 13 سیکنڈ میں طے کیا، دفاعی چیمپئن ٹشنا پٹیل صرف 31 سیکنڈ کے فرق سے دوسرے نمبر پر رہیں۔

پری پیئرڈ کیٹگری آصف امام کے نام رہی، آصف امام نے مقررہ فاصلہ 8 منٹ اور 33 سیکنڈ میں طے کیا، عامر مگسی کا 8 منٹ 23 سیکنڈ کا ٹائم ٹریک آف دی ڈے ثابت ہوا۔

مزید پڑھیں: حب جیپ ریلی، رونی پٹیل اور منصور حلیم کامیاب

اسٹاک اے کیٹگری میں منصور علیم نے پہلی پوزیشن حاصل کی، منصور علیم نے 10 کلو میٹر کا فاصلہ 8 منٹ 27 سیکنڈ میں طے کیا، اسٹاک بی کیٹگری میں رونی پٹیل اول رہے، انہوں نے 9 منٹ 13 سیکنڈ میں فاصلہ طے کرکے پہلی پوزیشن حاصل کی۔

اسٹاک سی کیٹگری میں ببرک بلوچ کی پہلی پوزیشن پر قبضہ جمالیا، ببرک بلوچ نے 10 منٹ 4 سیکنڈ میں مقررہ فاصلہ طے کیا۔

واضح رہے کہ گزشتہ سال حب ریلی کا اہتمام اے آر وائی نیٹ ورک کے تعاون سے کیا گیا تھا۔ 5ویں حب جیپ ریلی میں رونی پٹیل، منصور علیم نے ٹائٹل اپنے نام کیا تھا جبکہ نوجوانوں کے ساتھ خواتین نے ریس بھی حصہ لیا تھا۔

Comments

comments

یہ بھی پڑھیں