کابل:افغانستان کے سرحدی علاقے اسپن بولدک کےاسلحہ ڈپو میں رات گئےمتعدد دھماکوں میں ہلاکتوں کا خدشہ ظاہر کیا جارہا ہے۔
تفصیلات کےمطابق افغان سیکورٹی فورسز کے مطابق چمن کےقریب افغان سرحدی علاقے اسپین بولدک کے اسلحہ ڈپو میں رات گئے دھماکے ہوئے۔
دھماکوں کی شدت اس قدر زیادہ تھی کہ پورا علاقہ لرز اٹھا جبکہ دھماکوں سے اٹھنے والے بلند شعلے دور دور تک دیکھے گئے۔
اسلحہ ڈپو میں ہونے والےدھماکوں سے پاک افغان سرحد کےقریب واقع شہر چمن بھی لرز اٹھا۔واقعے کی تفتیش کےلیے قندھار میں کمیشن تشکیل دے دیا گیا ہے۔
دھماکوں کےبعد اسپین بولدک کی فضا میں ہیلی کاپٹروں کی پروازیں بڑھ گئیں جبکہ دوسری جانب چمن کی سرحد پر سیکیورٹی ہائی الرٹ کر دی گئی۔
دوسری جانب افغان پولیس کاکہناہےکہ اسلحہ ڈپو سے 30میٹر کے فاصلے پر شہری آبادی ہے جبکہ دھماکوں سے بڑے پیمانے پرنقصانات کی اطلاعات ہیں۔
افغان پولیس کےمطابق اسلحہ ڈپومیں دھماکوں کےباعث جانی نقصان ہواہےلیکن فی الحال بتایا نہیں جاسکتا کہ کتنےلوگ ہلاک اور زخمی ہوئے ہیں۔
کابل: فوجی اسپتال پر حملے میں جاں بحق افراد کی تعداد 49 ہوگئی
واضح رہےکہ گزشتہ ماہ افغانستان کے دارالحکومت کابل میں فوجی اسپتال پر ہونے والے دہشت گردانہ حملے میں 49افراد جان کی بازی ہار گئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
