ممبئی: 90 کی دہائی کی مشہور فلم ’ہم آپ کے ہیں کون‘ کے پروڈیوسر سورج برجاتیا نے انکشاف کیا ہے کہ فلم کے پریمیئر کے دوران لوگ سنیما چھوڑ گئے تھے۔
بھارتی میڈیا سے گفتگو کرتے ہوئے معروف پروڈیوسر سورج برجاتیا نے کہا کہ جب فلم کے پریمیئر کے وقت لوگوں کو یہ پسند نہیں آئی تھی اور میں سمجھ رہے تھا کہ یہ میری بہترین فلم ہے۔
واضح رہے کہ فلم میں سلمان خان نے (پریم)، مادھوری ڈکشت نے (نیشا) کا کردار نبھایا تھا اور اس کے گانے بھی سپر ہٹ ثابت ہوئے تھے۔
View this post on Instagram
سورج برجاتیا نے بتایا کہ اچھی طرح یاد ہے کہ لوگ ہر گانے کے بعد باہر نکل رہے تھے جو میری سمجھ میں نہیں آرہا تھا پھر ایک شخص نے کہا کہ ’ایسا ہوجاتا ہے آپ اپنی اگلی فلم بنانے کی تیاری کریں۔‘
انہوں نے کہا کہ پریمیئر کے کوئی چار سے پانچ دن کے بعد فیملیز نے فلم دیکھنا شروع کی تھی۔
پروڈیوسر نے مزید کہا کہ زیادہ تر نوجوان میری فلمیں پسند نہیں کرتے اسی طرح ’ہم آپ کے ہیں کون؟‘ کو بھی شروع میں پسند نہیں کیا گیا تھا لیکن بعد میں لوگوں نے فیملیز کے ساتھ سنیما گھروں کا رخ کیا۔
یاد رہے کہ سلمان خان نے سورج برجاتیا کی فلم ’میں نے پیار کیا‘ سے بالی ووڈ انڈسٹری میں قدم رکھا، فلم کی دیگر کاسٹ میں بھاگے شری، الوک ناتھ، ریما لاگو، موہنش بہل ودیگر شامل تھے۔