The news is by your side.

Advertisement

حمائمہ ملک کی مداحوں سے دعاؤں کی اپیل

شوبز انڈسٹری کی معروف اداکارہ حمائمہ ملک نے مداحوں سے دعاؤں کی اپیل کردی۔

پاکستانی فلم انڈسٹری کی معروف اداکارہ حمائمہ ملک نے فوٹو اور ویڈیو شیئرنگ ایپ انسٹاگرام پر پوسٹ شیئر کرتے ہوئے بتایا کہ حال ہی میں ان کی اپینڈکس کی کامیابی سرجری ہوئی ہے۔

حمائمہ ملک نے نئی زندگی ملنے پر اللہ کا شکر ادا کیا۔

اداکارہ نے بتایا کہ انہوں نے استنبول کے اسپتال میں 22 گھنٹے ریپچر اپینڈکس کی وجہ سے گزارے۔

حمائمہ نے لکھا کہ اس سارے واقعے میں میں نے موت کو انتہائی قریب سے دیکھا ہے، میرے رب نے مجھے نئی زندگی دی ہے، مجھے دعاؤں کی سخت ضرورت ہے۔

اداکارہ نے ایک اور پوسٹ میں لکھا کہ نظر جان لے سکتی ہے، برائے مہربانی اپنے اور اپنے چاہنے والوں کے لیے دعا کرتے رہیں، نظر چلتا پھرتا بندہ مار سکتی ہے، پیار سے دیکھو، خدا سے ہر کسی کی خیر مانگو، اللہ کسی کو حسد کی نظر نہ لگائے۔

یاد رہے کہ گزشتہ ہفتے حائمہ ملک نے ترکی کے شہر استنبول میں ہونے والی ایوارڈ تقریب میں شرکت کی تھی۔

Comments

یہ بھی پڑھیں