پاکستانی اداکارہ حمیرا اصغر کی موت کے بعد ان کی زندگی کا نیا پہلو سامنے آیا ہے جس نے ان کی شخصیت کا نیا تاثر عوام تک پہنچایا ہے۔
اداکارہ کی افسوسناک موت نے شوبز کے اداکاروں سمیت بہت سے لوگوں کو افسردہ کردیا ہے، اب حمیرا کی ایک پرانی ویڈیو میں ان کی شخصیت کا ایک ایسا پہلو سامنے آیا ہے جس میں وہ ایک ایسی شخصیت کے طور پر سامنے آئی ہیں جو کہ دوسروں کے دکھوں کو بھی محسوس کرتی ہیں۔
حمیرا اصغر کی زندگی کے کئی پہلوؤ میں سے ایک یہ بھی ہے کہ وہ درد دل رکھنے والی انسان تھیں، سوشل میڈیا پر سامنے آنے والی ویڈیو میں اداکارہ ذہنی معذوری کا شکار بچوں کی دیکھ بھال کرنے والے ادارے میں موجود ہیں جہاں خاص طور پر یہ بچے زیرعلاج ہوتے ہیں۔
اداکارہ حمیرا اصغر کی ابتدائی پوسٹ مارٹم رپورٹ سامنے آگئی
پاکستانی اداکارہ اس ویڈیو میں ذہنی معذور بچوں کے ساتھ کافی خوش نظر آرہی ہیں اور وہ ان معصوم بچوں گھلتی ملتی اور انھیں پیار کرتی نظر آرہی ہیں۔
حمیرا اصغر ذہنی معذور بچوں سے ان کی طبیعت پوچھ رہی ہیں، ان کے سر پر ہاتھ پھیر کر شفقت کا اظہار کررہی ہیں، وہ ویڈیو میں ایک بچوں کو اپنی گود میں اٹھا کر اس کے ہاتھ چومتی بھی نظر آئیں۔
ایک ویڈیو میں وہ وہیل چیئر پر بیٹھے ایک بچے کے ساتھ گرم جوشی کا مظاہرہ کررہی ہیں اور اس سے ہاتھ ملا رہی ہیں، حمیرہ اصغر کے برتاؤ سے معصوم بچے بہت خوش دکھائی دے رہے ہیں۔
حمیرا اصغر کی موت ، پڑوسیوں کا دل دہلا دینے والا انکشاف
خیال رہے کہ گذشتہ روز کراچی میں ڈیفنس فیز 6 اتحاد کمرشل میں فلیٹ سے خاتون کی لاش ملی تھی، پولیس نے بتایا تھا کہ 35 سالہ حمیرہ اصغر فلیٹ میں 7 سال سے اکیلی رہ رہی تھیں، خاتون نے 2018 میں فلیٹ رینٹ پر لیا تھا اور 2024 سے کرایہ نہیں دیا۔
پولیس کی جانب سے اہل خانہ سے رابطے کی کوششیں کی گئیں، تاہم انہوں نے لاش وصول کرنے سے انکار کر دیا، ان کا مؤقف تھا کہ وہ کچھ عرصہ قبل حمیرا اصغر سے تمام تعلقات ختم کر چکے تھے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں