The news is by your side.

Advertisement

اقوام متحدہ کا ہیومن رائٹس پرائز عاصمہ جہانگیر کے نام

اقوام متحدہ کی جنرل اسمبلی نے ہیومن رائٹس پرائز  برائے 2018 کے جن فاتحین کا اعلان کیا ہے، ان میں  پاکستانی وکیل اور سماجی کارکن عاصمہ جہانگیر بھی شامل ہیں۔

یہ اعلان اقوام متحدہ جنرل اسمبلی کی صدر ماریا فرنانڈا نے اپنے ٹویٹر اکاؤنٹ پر کیا۔

ماریا فرنانڈا نے اپنے ٹویٹ میں عاصمہ جہانگیر سمیت چار فاتحین کا ذکر کرتے ہوئے کہا کہ آپ کی کاوشوں نے بہت سوں کو متاثر کیا، انسانی حقوق کے لیے آپ کی جدوجہد مشعل راہ ہے۔

 اقوام متحدہ کی جنرل اسمبلی کی جانب سے یہ انعام انسانی حقوق کے لیے کام کرنے والی شخصیات اور تنظیموں کو کو دیا جاتا ہے۔

یاد رہے کہ معروف وکیل اور سماجی کارکن عاصمہ جہانگیر 11 فروری 2018 کو 66 برس کی عمر میں انتقال کر گئیتھیں۔

سن 2018 میں یہ ایوارڈ عاصمہ جہانگیر کے ساتھ دو شخصیات اور ایک تنظیم کے حصے میں آیا۔

واضح رہے کہ عاصمہ جہانگیر یہ اعزاز حاصل کرنے والی چوتھی پاکستانی خاتون ہیں، اس سے قبل بیگم رعنا لیاقت علی خان، بے نظیر بھٹو اور ملالہ یوسف زئی بھی یہ اعزاز حاصل کر چکی ہیں۔

Comments

comments

یہ بھی پڑھیں