اسلام آباد : پی ٹی آئی رہنما ہمایوں اختر نے بڑا انکشاف کیانوازشریف لندن چلےجائیں گے اور ان کے جانے کے بعد اپوزیشن کی احتجاج کی کال ختم ہوجائےگی۔
تفصیلات کے مطابق پاکستان تحریک انصاف کے رہنما ہمایوں اختر نے اے آر وائی نیوز کے پروگرام پاور پلےمیں گفتگو کرتے ہوئے کہا پی پی دور میں ڈالر 85پر گیا،اسحاق ڈار کو 105 کا فیگر بہت پسند تھا، اسحاق ڈار دور سے روپے کی قدر گرتی ہی جارہی ہے ، آئی ایم ایف پروگرام کے بعد آج بھی وہی ہورہاہےجوماضی میں ہوتارہا۔
ہمایوں اختر کا کہنا تھا ہماری کوشش ہوگی اس آئی ایم ایف پروگرام کے بعد نتیجہ خیزاقدامات کریں، آئی ایم ایف پروگرام کی تفصیلات جلد سامنے آجائیں گی۔
رہنما پی ٹی آئی نے کہا آئی ایم ایف معاشی صورتحال جوخود خراب کی اسے ٹھیک کرنے آتاہے، آئی ایم ایف کو زبردستی نہیں لایاجاسکتا اس کی وجہ ہوتی ہے، میں نے بھی مشورہ دیا تھا ،آئی ایم ایف جانےکےسواکوئی چارہ نہیں۔
ان کا کہنا تھا میراخیال ہے بجٹ سے پہلے چین سے بھی مدد لینا پڑے گی ، آئی ایم ایف پروگرام کی بدولت دفاعی بجٹ میں کمی کابھی ادراک ہے ، روپےکی قدرمیں کمی پرحقیقی مؤثر شرح مبادلہ کافیکٹر مد نظر رکھاجائے گا۔
پروگرام کے دوران ہمایوں اختر نے بڑا انکشاف کرتے ہوئے کہا میرے خیال میں نوازشریف لندن چلے جائیں اور احتجاج کی کال واپس ہوجائے گی۔
میزبان ارشد شریف کے سوال پر دوبارہ کہا آپ دیکھیں گے چلے جائیں گے، سپریم کورٹ گئے ہیں اجازت لینے، جس پر خرم دستگیر نے کہا سارے معاملات عدلیہ کے پاس ہیں۔