The news is by your side.

Advertisement

بھارت کا خطے کا تھانے دار بننے کا خواب کبھی پورا نہیں ہوگا، ہمایوں اخترخان

لاہور: پاکستان تحریک انصاف کے رہنما ہمایوں اخترخان کا کہنا ہے کہ اپوزیشن ملکی مفادات کے برعکس اپنے ذاتی ایجنڈے کے لیے افراتفری پھیلانے کی سازشوں سے گریز کرے۔

تفصیلات کے مطابق پاکستان تحریک انصاف کے سینئر مرکزی رہنما ہمایوں اختر خان نے کہا ہے کہ پاکستان انتہائی اہمیت کا حامل ملک ہے، بھارت کا خطے کا تھانے دار بننے کا خواب کبھی پورا نہیں ہوگا۔

انہوں نے کہا کہ وزیراعظم عمران خان نے سابقہ حکمرانوں کی پیدا کردہ خرابیوں پر آنکھیں بند کرنے کی بجائے اصلاح کے لیے کام کیا ہے جس کی عالمی ادارے بھی معترف ہیں۔

ہمایوں اخترخان نے کہا کہ حکومت کے بروقت اقدامات کی وجہ سے تجارتی خسارے میں کمی ، برآمدات میں اضافہ اور زرمبادلہ کے ذخائر مستحکم ہوئے ہیں۔

تحریک انصاف کے رہنما نے کہا کہ وزیراعظم عمران خان مضبوط اعصاب کے مالک ہیں اور انہوں نے امریکہ میں جس طرح پاکستان اور کشمیر کا موقف پیش کیا ہے دنیا کی توجہ ہماری جانب مبذول ہوئی ہے۔

انہوں نے کہا کہ حکومت اور پاک افواج نے بھارت کی جانب سے پاکستان کے خلاف دہشت گردی کا کارڈ استعمال کرنے کی تمام سازشوں کو ناکام بنا دیا ہے جس سے نریندر مودی بوکھلاہٹ کا شکار ہے۔

Comments

comments

یہ بھی پڑھیں