واشنگٹن : امریکی جنرل کے مجسمے سے 130 سال قبل دفن کیا گیا تانبے کا باکس برآمد ہوگیا، اس ڈبے کی بہت سے لوگوں کو تلاش تھی۔
غیر ملکی میڈیا کے مطابق امریکی ریاست ورجینیا شہر رچمنڈ میں نصب کنفیڈریٹ جنرل رابرٹ لی کے دیوقامت مجسمے کے نیچے سے ٹائم کیپسول نامی باکس برآمد ہوا جسے ایک صدی پہلے دفن کیا گیا تھا۔
اس باکس میں ایسی تاریخی اشیاء موجود تھی جسے مستقبل میں دریافت کرنے کےلیے دفن کیا جاتا ہے، اسی وجہ سے تانبے کے ڈبے کو ٹائم کیپسول کہا جاتا ہے۔
اس باکس کی بہت سے لوگوں کو تلاش تھی جسے مجسمے کی بنیاد توڑنے والے کارکنوں نے دریافت کرلیا، جس میں بٹن اور گولیوں جیسی اشیا، کانفیڈریٹ کی کرنسی، نقشے، مقتول صدر ابراہم لنکن کی نایاب تصویر اور دیگر چیزیں موجود ہیں۔
اس مجسمے کو ستمبر میں ہٹا لیا گیا تھا کیونکہ اس کا شمار مغرب میں غلامی کے دور کی ان یادگاروں میں تھا جنہیں حالیہ مہینوں میں ہٹا گیا تھا، جنرل رابرٹ لی کا مجسمہ سیاہ فام شہری جارج فلائیڈ کے قتل کے بعد بھی توجہ کا مرکز بنا تھا۔
واضح رہے کہ جنرل رابرٹ لی نے خانہ جنگی کے دوران شمالی ورجینیا کی فوج کے سربراہ تھے۔
