تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

ہنگری میں ہجرت کرنے والے پرندوں کے علاج کا مرکز

بڈاپسٹ: یورپی ملک ہنگری میں ہجرت کر کے آنے والے اور اس سفر میں زخمی ہوجانے والے پرندوں کے علاج کا مرکز قائم کردیا گیا۔

مشرقی ہنگری کے ایک نیشنل پارک میں قائم اس مرکز میں افریقہ سے شمالی یورپ تک کا سفر کرکے آنے والے پرندوں کی دیکھ بھال کی جاتی ہے۔ اس طویل سفر میں یہ پرندے بجلی کی تاروں سے ٹکرا کر اپنے ننھے پاؤں یا پروں کو توڑ بیٹھتے ہیں۔

اکثر ہائی وے پر سفر کے دوران یہ گاڑیوں سے بھی ٹکرا جاتے ہیں۔

ہر سال اس مرکز میں ہزاروں پرندوں کا علاج کیا جاتا ہے۔ ان میں کچھ پرندے نہایت نایاب اقسام کے ہیں جن کی تعداد تیزی سے کم ہو رہی ہے۔

یہاں موجود ڈاکٹرز ان معصوم پرندوں کے زخموں کا علاج کرتے ہیں جبکہ ان کے ٹوٹے پاؤں یا پروں کی دیکھ بھال کرتے ہیں۔ صحت مند ہونے کے بعد ان پرندوں کو آزاد کردیا جاتا ہے۔

یہ مرکز عام افراد کے لیے بھی کھلا ہے جہاں آںے والے افراد پرندوں کا علاج ہوتا دیکھتے ہیں اور روبصحت پرندوں سے باتیں بھی کرسکتے ہیں۔

یاد رہے کہ پرندوں کی ہجرت ہر سال ہونے والا ایک معمول کا عمل ہے جس میں پرندے عموماً شمال سے جنوب میں گرم علاقوں کی طرف ہجرت کرتے ہیں۔ اس ہجرت کے بعد پرندے اپنی عارضی پناہ گاہوں میں افزائش نسل کا عمل بھی سرانجام دیتے ہیں۔

تاہم ہجرت کے اس سفر میں ہر سال سینکڑوں پرندے موت کا شکار بھی ہوجاتے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

- Advertisement -