The news is by your side.

Advertisement

‘عوام احتیاط برتیں’، عمان میں الرٹ جاری

مسقط: پاکستان کی ساحلی پٹی سے رخ تبدیل کرنے والے سمندری طوفان’ شاہین’ نے عمان میں خطرے کی گھنٹی بجادی ہے۔

عمانی نیوز ایجنسی (او این اے) کے مطابق ملک میں 151 کلومیٹر فی گھنٹہ کی رفتار سے داخل ہونے والا ٹراپیکل طوفان ‘شاہین ‘ سمندری طوفان میں تبدیل ہوگیا ہے، سمندری طوفان اس وقت دارالحکومت مسقط سے 500 کلومیٹر دور ہے، اور عمان کے ساحلی علاقوں کی جانب بڑھ رہا ہے۔

او این اے نے سول ایوی ایشن اتھارٹی کے حوالے سے بتایا کہ توقع ہے کہ سمندری طوفان مسقط سے شمالی البطینہ گورنریٹس تک کے ساحلی علاقوں کو براہ راست متاثر کرے گا۔

یہ بھی پڑھیں: بحیرہ عرب موجود سمندری طوفان ‘شاہین’ کراچی کی ساحلی پٹی سے دور ہوگیا

سول ایوی ایشن اتھارٹی نے مزید کہا کہ طوفان سے سمندر میں لہریں بلند ہونے کا امکان ہے، اتھارٹی نے عوام سے احتیاط برتنے کی اپیل کی ہے۔

دوسری جانب محکمہ موسمیات نے شہریوں اور غیر ملکیوں سے اپیل کی ہے کہ طوفان کے وقت گھروں تک محدود رہیں۔

Comments

یہ بھی پڑھیں