سمندری طوفان ارما کا فلوریڈا کےساحل سے ٹکرانے کا امکان -
The news is by your side.

Advertisement

سمندری طوفان ارما کا فلوریڈا کےساحل سے ٹکرانے کا امکان

واشنگتٹن : سمندری طوفان ارما کا آج فلوریڈا کے ساحل سے ٹکرانے کا امکان ہے، طوفان کے باعث دو سو نو کلو میٹر فی گھنٹہ سے زیادہ رفتار کی تیزہوائیں کا خدشہ ہے۔

تفصیلات کے مطابق جزائرکیریبین اور کیوبا میں تباہی مچانے کے بعد تاریخ کے بد ترین طوفان ارما کا آج فلوریڈا کے ساحل سےٹکرانے کا امکان ہے جس کے پیش نظر فلوریڈا میں ایمرجنسی نافذ کردی گئی ہے۔

امریکہ کے محکمہ موسمیات کا کہنا ہے کہ طوفان کے باعث دو سو نو کلو میٹر فی گھنٹہ سے زیادہ رفتار کی تیزہوائیں چلنے اور 15 فٹ تک اٹھنے والی طوفانی لہروں سے علاقے میں سیلاب کا خدشہ ہے۔

محکمہ موسمیات کے مطابق اگلے چند گھنٹوں تک کیوبا کے ساحل سے گزرنے کے بعد سمندری طوفان ارما کا فلوریڈا کے ساحل سے ٹکرانے کا امکان ہے۔

فلوریڈا کے گورنر نے سمندری طوفان کے پیش نظرلاکھوں رہائشی افراد سے محفوظ مقامات پر منتقلی اور غیر ضروری سفر سے گریز کرنے کی اپیل کی ہے۔


سمندری طوفان کیوبا کے ساحل سے ٹکرا گیا


واضح رہے کہ گزشتہ روز سمندری طوفان ارما کیوبا کے ساحل سے ٹکرایا تھا جس کے بعد مختلف حادثات میں 20 افراد ہلاک ہوگئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں