The news is by your side.

Advertisement

سمندری طوفان اوفیلیا آئرلینڈ کے ساحل سے ٹکرا گیا، خاتون سمیت 3 افراد ہلاک

ڈبلن : سمندری طوفان اوفیلیا نے آئرلینڈ اور ویلز کے مختلف علاقوں میں تباہی مچا دی۔مختلف حادثات میں خاتون سمیت تین افراد ہلاک ہوگئے۔

تفصیلات کے مطابق سمندری طوفان برطانوی جزائر سے ٹکرا گیا ہے، تیز ہواؤں،درخت گرنے اور دیگر حادثات میں خاتون سمیت تین افراد جان کی بازی ہارگئے، آئرلینڈ میں معمولات زندگی درہم برہم ہوگئے اور لوگوں کو مشکلات کا سامنا ہے۔

طوفانی ہواؤں کے باعث شمالی آئرلینڈ اور ویلز میں تین لاکھ سے زائد افراد بجلی سے محروم ہیں جبکہ سائن بورڈز اکھڑ گئے اور طیاروں کو لینڈ نگ میں شدید مشکلات پیش آرہی ہے، جس کے باعث متعدد پروازیں منسوخ ہوگئیں۔

خیال رہے کہ اوفیلیا کو بحراوقیانوس میں 1939سے اب تک آنیوالا سب سے بڑا طوفان قرار دیا جارہا ہے، شدت میں کمی کے باوجود آئر لینڈ کے ساحلوں سے ٹکرانے کے بعد ہواؤں کی رفتار 191 کلومیٹر فی گھنٹا ریکارڈ کی گئی، سمندر بپھرا ہوا ہے اور ساحل سے 30 فٹ تک بلند لہریں ٹکرارہی ہیں۔

درخت گرنے کے باعث اکثر سڑکوں پر آمدورفت معطل ہے۔ سکول ، کالج اورپبلک ٹرانسپورٹ سروسز بند ہیں جبکہ فوج کو امدادی کارروائیوں کیلئے بھیج دیاگیا ہے۔

آئرش وزیراعظم نے خبردار کیا ہے کہ لوگ گھروں سے باہر نکلنے سے گریز کریں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں