لاہور: شوہر کے ہاتھوں بیوی اور سسر کا قتل، ملزم گرفتار: MURDER CASE
The news is by your side.

Advertisement

لاہور: شوہر کے ہاتھوں بیوی اور سسر کا قتل، ملزم گرفتار

لاہور: پنجاب کے دارالحکومت میں سفاک شوہر نے اپنی بیوی اور سسر کو گولی مار کر قتل کردیا، پولیس نے ملزم کو گرفتار کرلیا۔

تفصیلات کے مطابق لاہور کے علاقے شیرا کوٹ میں شوہر نے بیوی اور سسر کو موت کے گھاٹ اتار دیا، مقتولین کی لاشوں کو اسپتال منتقل کردیا گیا۔

پولیس کا کہنا ہے ملزم عرفان نے اپنی رہائش گاہ شیراکوٹ میں بیوی آمنہ کو گھر میں جبکہ سسر سلیم کو گلی میں فائرنگ کر کے قتل کر دیا۔

پولیس کا کہنا تھا کہ مقتولین کی لاشوں کو پوسٹ مارٹم کے لیے جناح اسپتال کے مردہ خانے منتقل کر دیا گیا ہے، مزید قانون کارروائی کر رہے ہیں۔


لاہورمیں تین کمسن بہن بھائیوں کا لرزہ خیزقتل، ماں گرفتار


دوسری جانب ملزم عرفان نے پولیس کو ابتدائی بیان میں بتایا کہ اس نے بیوی کو گھر واپس نہ آنے پر مشتعل ہو کر قتل کیا، تاہم پولیس کے مطابق مکمل تحقیقات کے بعد ہی حقائق سامنے آئیں گے۔

خیال رہے کہ دو ماہ قبل لاہور کے علاقے عسکری الیون میں قتل کی واردات میں تین کمسن بچوں کو گلا دبا کر موت کے گھاٹ اتار دیا گیا تھا، بعد ازاں پولیس نے شک کی بنیاد پر بچوں کی ماں کو حراست میں لیا تھا۔

واضح رہے کہ پھول جیسے دس سال کے زین، چھ سال کی فاطمہ اور چارسال کے ابراہیم کو گلادبا کر قتل کیا گیا تھا، پولیس اطلاع ملنے پر جائے وقوعہ پر پہنچی تو بچوں کی لاشوں کے ساتھ ماں بھی زخمی حالت میں پڑی تھی۔

Comments

comments

یہ بھی پڑھیں