The news is by your side.

Advertisement

شوہر کی لاش کے ٹکڑے : بیٹی اور سابق شوہر بھی مقدمے شامل

کراچی : مقامی عدالت میں شوہر کو قتل کرکے لاش کے ٹکڑے کرنے کے کیس کی سماعت ہوئی، پولیس نے ملزمہ کی بڑی بیٹی اور سابق شوہر کو مقدمے میں نامزد کردیا۔

کراچی کے علاقے صدر میں بیوی کے ہاتھوں شوہر کے قتل کیس کی سماعت جوڈیشل مجسٹریٹ جنوبی کی عدالت میں ہوئی اس موقع پر تفتیشی افسر نے بتایا کہ گرفتار مرکزی ملزمہ رباب عرف عاصمہ کی بڑی بیٹی اور سابق شوہر کو بھی مقدمے میں شامل کیا گیا ہے۔

تفتیشی افسر کے مطابق دونوں ملزمان پر حقائق چھپانے کا الزام عائد کیا گیا ہے، پولیس رپورٹ میں کہا گیا ہےکہ ملزم سابق شوہر اور آرزو کچھ دیر پہلے جائے وقوعہ سے چلے گئے تھے۔

رپورٹ کے مطابق ملزمہ کی بیٹی آرزو اپنی چھوٹی بہنوں کو لے کر فیصل آباد چلی گئی ہے، ملزمہ آرزو مقتول شیخ سہیل کا موبائل فون بھی اپنے ساتھ لے گئی ہے۔

پولیس رپورٹ میں مزید کہ گیا ہے کہ مذکورہ ملزمان کو فیصل آباد سے کراچی لانے کیلئے حکام سے اجازت مانگ لی گئی ہے، عدالت نے تفتیشی افسر کوآئندہ سماعت پر پیشرفت رپورٹ سے آگاہ کرنے کا حکم جاری کردیا۔

تفتیشی افسر نے بتایا کہ ملزمہ رباب عرف عاصمہ نے اپنے شوہر کو بیدردی سے قتل کا انکشاف کیا، جائے وقوعہ پر موجود ملزمہ کی8سالہ اور13سالہ بیٹی عینی شاہدین ہیں، ملزمہ کی دونوں بیٹیاں تاحال غائب ہیں، تلاش جاری ہے۔

بعد ازاں جوڈیشل مجسٹریٹ جنوبی کی عدالت نے کیس کی مزید سماعت 16فروری تک ملتوی کردی۔

Comments

یہ بھی پڑھیں