گوجرانوالہ: شوہر نے بیوی پر پیٹرول چھڑک کر آگ لگا دی -
The news is by your side.

Advertisement

گوجرانوالہ: شوہر نے بیوی پر پیٹرول چھڑک کر آگ لگا دی

گوجرانوالہ : شوہر نے بلا اجازت میکے جانے پر مبینہ طور پر اپنی بیوی پر پیٹرول چھڑک کر آگ لگا دی، خاتون کو زخمی حالت میں ڈسٹرکٹ ہیڈ کوارٹر اسپتال منتقل کر دیا گیا۔

تفصیلات کے مطابق گوجرانوالہ کے علاقے پیپلی والا کے رہائشی فرحان کی چھ سال قبل علاقے ہی کی رہائشی ریحانہ بی بی کے ساتھ شادی ہوئی تھی، فرحان نے اپنی بیوی پر اس کے میکے جانے پر پابندی لگا رکھی تھی۔

ریحانہ کے والدین کے مطابق گذشتہ روز ریحانہ بی بی اپنے شوہر کی اجازت کے بغیر والدین سے ملنے کے لیے میکے آ ئی، واپسی سسرال جانے پر شوہر فرحان نے طیش میں آ کر ریحانہ بی بی پر پٹرول چھڑک کر آگ لگا دی۔

واقعہ کی اطلاع ملتے ہی ریسکیو اہلکاروں نے موقع پر پہنچ کر خاتون کو زخمی حالت میں ڈسٹرکٹ ہیڈ کوارٹر ہسپتال منتقل کر دیا ہے  جہاں خاتون کی حالت نہایت تشویش ناک بتائی جاتی ہے۔

دوسری طرف تھانہ صدر پولیس نے بھی موقع پر پہنچ کر واقعہ کی تحقیقات شروع کر دی ہیں اور مفرور شوہر فرحان کی گرفتاری کے لیے چھاپے مارنا شروع کردیئے ہیں۔

Comments

comments

یہ بھی پڑھیں