کراچی: پاکستانی ڈرامہ انڈسٹری کی سابقہ اداکارہ عائشہ خان کے شوہر میجر عقبہ ملک نے اہلیہ کی سالگرہ پر محبت بھرا پیغام شیئر کردیا۔
تفصیلات کے مطابق سابقہ اداکارہ عائشہ خان کے شوہر میجر عقبہ نے سماجی رابطے کی ویب سائٹ ٹویٹر پر اہلیہ اور بیٹی کے ہمراہ تصویر شیئر کی اور انہیں اپنا سب کچھ قرار دیتے ہوئے سالگرہ کی مبارک باد دی۔
میجر عقبہ ملک نے لکھا کہ ’میں اس سے زیادہ بہتر زندگی کا تصور نہیں کرسکتا تھا، میں ہر روز اللہ کا شکر ادا کرتا ہوں کہ اس نے مجھے ظاہری اور باطنی طور پر اس جہاں کی سب سے زیادہ خوبصورت لڑکی سے نوازا ہے۔‘
عائشہ خان کا شکریہ ادا کرتے ہوئے میجر عقبہ نے یہ بھی کہا کہ ’میرا ہونے اور مجھے اس دنیا کا سب سے زیادہ خوش قسمت شخص بنانے کے لیے آپ کا بے حد شکریہ۔‘
Happy Birthday to my Rock – My Angel -My Everything – couldn’t have imagined a better life. I thank Allah everyday for blessing me with the most beautiful woman inside out. Thank you for being mine and making me the luckiest man on earth. pic.twitter.com/Kv1rnBYz7L
— Uqs (@uqbahmalik) September 27, 2020
واضح رہے کہ 15 اپریل 2018 کو عائشہ خان اور میجر عقبہ رشتہ ازدواج میں منسلک ہوئے تھے، شادی کی تقریب میں عزیز و اقارب سمیت قریبی دوستوں نے شرکت کی تھی اور ان کے ہاں گزشتہ سال 10 نومبر کو 12 ربیع الاول کے دن بیٹی کی پیدائش ہوئی تھی جس کا نام انہوں نے ’ماہ نور‘ رکھا تھا۔
خیال رہے کہ عائشہ خان نے 19 برس قبل شوبز انڈسٹری میں قدم رکھا تھا اور کئی کامیاب ڈراموں میں اداکاری کے جوہر دکھائے، شادی کے بعد انہوں نے شوبز کو خیرباد کہہ دیا تھا۔
