لاہور: شوہر کے تشدد کا شکار سونیا دوران علاج چل بسی، ورثا کی انصاف کی اپیل -
The news is by your side.

Advertisement

لاہور: شوہر کے تشدد کا شکار سونیا دوران علاج چل بسی، ورثا کی انصاف کی اپیل

لاہور : سفاک شوہر کے ظلم کا شکار سونیا دوران علاج جاں بحق ہوگئی، ورثاء کا کہنا ہے کہ رپورٹ کے باوجود پولیس ملزمان کے اثرورسوخ کے باعث کوئی کارروائی کرنے سے قاصر ہے۔

تفصیلات کے مطابق شوہر کے مبینہ تشدد کا نشانہ بننے والی سونیا زخموں کی تاب نہ لاتے ہوئے چل بسی، شوہر نے گھر والوں کے ساتھ مل کر بیوی پر پیٹرول ڈال کرجلا ڈالا۔

سونیا کو دو دن بعد ہمسائیوں نےاسپتال پہنچایا، سونیا کے اہل خانہ کا کہنا ہے کہ ملزمان اثر و رسوخ استعمال کر کے اپنا بچاؤ کر رہے ہیں، پولیس بھی تعاون نہیں کر رہی۔ شوہر اور سسرالیوں کی ظلم اور بربریت کا نشانہ بننے والی سونیا تین بچوں کی ماں تھی۔

نشے میں دھت شوہر عرفان نے تشدد کا نشانہ بنایا اور سسرالیوں نے پٹرول چھڑک کر آگ لگا دی۔ دو دن بعد ہمسائیوں نے ہسپتال منتقل کیا۔

سونیا کا جسم پچاس فیصد تک جھلس چکا تھا۔ وہ دوران علاج زخموں کی تاب نہ لا سکی اور دم توڑ گئی۔ احتجاج کرنے والے ورثاء نے اعلیٰ حکام سے انصاف کی اپیل کرتے ہوئے کہا ہے کہ ملزمان کو کیفر کردار تک پہنچایا جائے۔

Comments

comments

یہ بھی پڑھیں