والدہ وینٹی لیٹر پر ہیں، حالت ٹھیک نہیں ہے، حسین نواز
The news is by your side.

Advertisement

والدہ وینٹی لیٹر پر ہیں، حالت ٹھیک نہیں ہے، حسین نواز

لندن : سابق وزیراعظم نواز شریف کے صاحبزادے حسین نواز کا کہنا ہے کہ والدہ وینٹی لیٹر پر ہیں، حالت ٹھیک نہیں ہے، چار روزہ استثنیٰ کی باتیں کی جا رہی ہیں،بڑے دکھ کی بات ہے۔

تفصیلات کے مطابق سابق وزیراعظم نواز شریف کے صاحبزادے حسین نواز نے کلثوم نواز کی صحت کے حوالے سے کہا کہ والدہ وینٹی لیٹر پر ہیں، حالت ٹھیک نہیں ہے، عدالتوں سے چار روز کے استثنیٰ کی باتیں کی جا رہی ہیں، بڑے دکھ کی بات ہے۔

حسین نواز کا کہنا تھا کہ سب کو پتہ ہے والدہ کی جمہوریت کے لیے کیا خدمات ہیں، پتہ نہیں کون لوگ ہیں جو ابہام پیدا کر رہے ہیں، ہم تکلیف میں ہیں، ایسی باتیں دل کو مزید تکلیف پہنچا رہی ہیں۔


مزید پڑھیں : نوازشریف اور مریم نواز کو روکنے کی کوشش کرنے والوں کو ایک دن جواب دینا ہوگا،حسین نواز


دوسری جانب سابق وزیراعظم نواز شریف نے کہا کہ اہلیہ کے لیے دعائیں کرنے پر عوام کے شکر گزار ہیں جبکہ مریم نواز نے والدہ کے لیے قوم سے دعائیں جاری رکھنے کی اپیل کی ہے۔

یاد رہے چند روز قبل سابق وزیراعظم نواز شریف کے صاحبزادے حسین نواز کا کہنا تھا کہ نوازشریف اور مریم نواز کو روکنے پر فیملی کو بہت دکھ ہوا ہے، جنہوں نےروکنےکی کوشش کی انہیں ایک دن جواب دینا ہوگا۔

واضح رہے کہ بیگم کلثوم نواز لندن میں کینسرکے علاج کے لیے موجود ہیں۔جمعرات کو دل کا دورہ پڑنے سے اسپتال میں گرگئیں تھی، جس کے بعد انہیں وینٹی لیٹر پر منتقل کردیا گیا تھا۔

جس کے بعد بیگم کلثوم نواز کی طبیعت بدستور تشویشناک ہے جبکہ نواز شریف سمیت شریف خاندان لندن میں ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں