The news is by your side.

Advertisement

بھارت کا معروف ترین ہوٹل حیات ریجنسی فنڈز کی کمی کی وجہ سے بند

نئی دہلی: بھارت کے مشہور ترین ہوٹلز میں سے ایک حیات ریجنسی نے ممبئی میں اپنے تمام آپریشن عارضی طور پر معطل کر دیے جس کی وجہ ریونیو کا نہ ہونا ہے۔

بھارتی میڈیا کے مطابق کرونا وائرس نے جہاں ہر شعبہ زندگی کو متاثر کیا ہے، شعبہ سیاحت بھی انہی میں سے ایک ہے۔ سیاحت سے جڑی ہوٹلوں کی صنعت بھی بری طرح متاثر ہوئی ہے۔

بھارت کے معروف ترین ہوٹلز میں سے ایک حیات ریجنسی ممبئی کے مالک کی جانب سے کہا گیا ہے کہ اگلے نوٹس تک ہوٹل بند رہے گا کیونکہ ایشین ہوٹلز (ویسٹ) سے انہیں کوئی فنڈ نہیں مل رہا۔

نوٹس میں کہا گیا ہے کہ ہوٹل کے اسٹاف کو مطلع کیا جاتا ہے کہ حیات ریجنسی ممبئی کے پاس عملے کو تنخواہیں دینے کے لیے اور ہوٹل میں آپریشن چلانے کے لیے کوئی فنڈ نہیں مل رہے۔

ہوٹل کی جانب سے مزید کہا گیا کہ ہوٹل کے تمام آپریشن عارضی طور پر فوری معطل کردیے گئے ہیں اور ہوٹل اگلے نوٹس تک بند رہے گا، حیات کے تمام بکنگ چینلز پر ریزرویشن بھی بند کردی گئی ہے۔

حیات کے کنٹری ہیڈ اور نائب صدر سنجے شرما کا کہنا ہے کہ ہمارے ساتھی اور مہمان ہماری سب سے بڑی ترجیح ہیں، ہم صورتحال کو حل کرنے کے لیے ہوٹل مالکان سے بات چیت کر رہے ہیں۔

Comments

یہ بھی پڑھیں