نئی دہلی : بھارتی شہر حیدر آباد میں تیز رفتاری باعث گاڑی سڑک کو تقسیم کرنے والی دیوار سے ٹکرا پل سے نیچے گر گئی،حادثے کے نتیجے میں ایک کار سوار ہلاک جبکہ دیگر زخمی ہوگئے۔
تفصیلات کے مطابق یہ افسوسناک حادثہ بھارت کے شہر حیدر آباد میں گزشتہ شب تیز رفتاری کے باعث پیش آیا، جب ایک کار سڑک کو تقسیم کرنے والی دیوار سے ٹکرا کر پل سے نیچے جاگری۔
ذرائع ابلاغ کا کہنا ہے کہ کار میں 6 افراد سوار تھے، جن میں ایک شخص ہلاک جبکہ باقی پانچ شدید زخمی ہیں، جنہیں فوری طور پر گاندھی اسپتال منتقل کردیا گیا ہے۔
پولیس انسپکٹر نے میڈیا سے گفتگو کرتے ہوئے بتایا کہ گاڑی کو تیز رفتاری کے باعث رات 2 بج کر 50 منٹ پر بھرت نگر پل پر حادثہ پیش آیا تھا۔
پولیس انسپکٹر کے مطابق حادثے کا مقدمہ دفعہ 337 کے تحت درج کرلیا گیا ہے۔
یہ بھی پڑھیں : بس اور رکشہ میں ہولناک تصادم، 26 افراد ہلاک
خیال رہے کہ رواں برس 29 جنوری کو بھارتی ریاست مہاراشٹر میں مسافر بس اور رکشہ آپس میں ٹکرا گئے تھے جس کے نتیجے میں 26 افراد ہلاک اور متعدد زخمی ہوگئے تھے۔
