حیدر آباد : سرفرازکالونی میں گھر سے میاں بیوی اور3 بچوں کی لاشیں برآمد -
The news is by your side.

Advertisement

حیدر آباد : سرفرازکالونی میں گھر سے میاں بیوی اور3 بچوں کی لاشیں برآمد

حیدرآباد : ایک گھرسے پانچ افراد کی لاشیں ملی ہیں، پولیس کا کہنا ہے کہ لاشیں مرد خاتون اورتین کمسن بچوں کی ہیں بچوں کی عمریں 2 سے 8 سال کے درمیان بتائی جارہی ہیں۔

تفصیلات کے مطابق حیدر آباد کے علاقے سرفراز کالونی کے ایک گھر سے میاں بیوی اور ان کے تین کمسن بچوں کی لاشیں برآمد ہوئی ہیں جنہیں پولیس نے پوسٹ مارٹم کے لیے سول اسپتال منتقل کردیا۔

علاقہ مکینوں نے پولیس کو ایک گھر میں لاشوں کی موجودگی کی اطلاع دی۔ پولیس کی بھاری نفری موقع پرگئی اور گھرسے مرد و خاتون سمیت 3 کم سن بچوں کی لاشیں بر آمد کرلیں۔

اے آر وائی نیوز کے نمائندے زاہد کلہوڑو نے بتایا ہے کہ بچوں کی عمریں 2 سے 8 سال کے درمیان ہیں۔

ایس ایس پی عرفان بلوچ کے مطابق ابتدائی تحقیقات میں اموات کی وجہ گیس ہٹرلگتاہے۔ پولیس خود کشی کا خدشہ بھی ظاہر کر رہی ہے

پولیس کا کہنا ہے کہ واقعہ بظاہر تو خود کشی کا لگتا ہے، جس کمرے سے لاشیں ملی ہیں سیل کرکے تحقیقات جاری کردی ہے، لیکن فی الحال کچھ بھی کہنا قبل از وقت ہوگا۔

ہوسکتا ہے کہ متوفیان کو زہر دے کر ہلاک کیا گیا ہو تاہم پوسٹ مارٹم اور دیگر تحقیقات کے بعد ہی کوئی حتمی نتیجہ سامنے آسکے گا۔

اطلاعات کے مطابق ہلاک ہونے والوں میں گھر کا سربراہ کفایت اللہ بھی شامل ہے، متوفی ایک نجی ادارے میں سیلز میں کی حیثیت سے کام کرتا تھا اور آج صبح ڈیوٹی پر بھی نہیں گیا تھا۔

ان کے بھائی کے مطابق صبح سے گھر سے کوئی نہیں نکلا تھا, گھرجا کردیکھا تو بھائی بھابی اور ان کے بچے بے جان پڑے تھے.

Comments

comments

یہ بھی پڑھیں