The news is by your side.

Advertisement

حیدرآباد میں کریکر دھماکا، 5 افراد زخمی

حیدرآباد: سخی عبدالوہاب فلائی اوور کے قریب کریک دھماکے میں 5 افراد زخمی ہوگئے جنہیں طبی امداد کے لیے سول اسپتال منتقل کردیا گیا۔

پولیس حکام کے مطابق سخی عبدالوہاب فلائی اوور  کے قریب دیسی ساختہ بم دھماکا ہوا جس کے نتیجے میں 5 افراد زخمی ہوئے ہیں، دھماکے کے بعد پولیس کی بھاری نفری نے جائے وقوعہ پہنچ گئی ہے۔

پولیس حکام نے مزید بتایا دھماکا باچا خان فلائی اوور کے نیچے کھڑے ٹھیلے کے نیچے بم پھینکنے کے نتیجے میں پیش آیا، اسپتال منتقل کیے گئے زخمیوں کی شناخت زبیر گُل، ایاز گُل، عقیل، امان اللہ اور منیر خان کے نام سے ہوئی ہے۔جنہیں حیدرآباد سول اسپتال منقل کیا گیاہے۔

اسپتال منتقل کیے جانے والے زخمیوں میں سے 3 افراد کی حالت تشویشناک بتائی جارہی ہے تاہم پولیس کی نفری نے جائے وقوعہ سے شواہد اکٹھے کرلیے اور ملزمان کی گرفتاری کے لیے کارروائیاں کی جارہی ہے۔

مزید پڑھیں : ملتان میں فائرنگ دوافراد جاں بحق،حملہ آور نے خودکشی کرلی

دھماکے سے قبل قریبی سڑک پر لوگوں کی بڑی تعداد جشن آزادی کی ریلی نکالنے میں مصروف تھے تاہم دھماکا ہوتے ہی علاقے میں بھگدڑ مچی اور عوام میں خوف و ہراس پھیل گیا، بعد ازاں قانون نافذ کرنے والے اداروں کی نفری پہنچنے پر علاقہ مکینوں نے ریسکیو کے عمل میں حصہ لیا۔

ریسکیو عمل مکمل ہوتے ہی ریلیوں کا سلسلہ ایک بار پھر شروع ہوگیا ہے اور عوام میں پیدا ہونے والی خوف و ہراس کی لہر ختم ہوگئی ہے۔

Print Friendly, PDF & Email

Comments

comments

یہ بھی پڑھیں