پاکستان سپر لیگ (پی ایس ایل) کی نئی فرنچائز حیدرآباد کنگزمین نے ٹیم کی جرسی متعارف کروادی۔
سوشل میڈیا پر حیدرآباد کنگزمین کے آفیشل پیج پر جرسی کی تصویر شیئر کی گئی ہے جو سیاہ اور گولڈن رنگ کی ہے۔
صائم ایوب پاکستان سپر لیگ میں ری ٹین ہونے والے مہنگے ترین کھلاڑی ہیں، حیدر آباد کی ٹیم نے صائم ایوب کو 12 کروڑ 60 لاکھ میں ری ٹین کیا۔
پشاور زلمی سے ریلیز کئے جانے کے بعد صائم ایوب کو حیدر آباد نے ری ٹین کیا۔
صائم ایوب کا پی ایس ایل میں معاوضہ بابر اعظم، شاہین آفریدی اور شاداب خان سے بھی زیادہ ہوگیا۔
جارح مزاج عثمان خان بھی حیدر آباد کی ری ٹینشن میں شامل ہیں، انہیں 4 کروڑ 62 لاکھ کے عوض ری ٹین کیا گیا ہے۔
ایمرجنگ کیٹیگری میں معاذ صداقت 3 کروڑ 50 لاکھ، گولڈ کیٹیگری میں عاکف جاوید ایک کروڑ 96 لاکھ میں ری ٹین کیے گئے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں