The news is by your side.

Advertisement

لاپتا نورین اپنی مرضی سے لاہور گئی، ایس ایس پی حیدرآباد

حیدر آباد: ایس ایس پی حیدرآباد عرفان بلوچ نے کہا ہے کہ سیکنڈ ائیر کی طلبہ کے کیس میں یہ بات ثابت ہوگئی کہ لڑکی اپنی مرضی سے بس کے ذریعے لاہور روانہ ہوئی تاہم اُس نے کس جماعت میں شمولیت کی یہ کہنا قبل ازوقت ہے۔

حیدر آباد لیاقت یونیورسٹی کی سکینڈ ائیر کی طالبہ کے کیس میں اب تک کیا پیش رفت کے حوالے سے ایس ایس پی حیدرآباد عرفان بلوچ نے اے آر وائی سے خصوصی گفتگو کرتے ہوئے کہا کہ  ’’اب تک کی تفتیش میں یہ بات سامنے آئی کہ لڑکی بس کے ذریعے اپنے مرضی سے لاہور گئی اس سے آگے وہ کس مقام پر گئی اس حوالے سے تحقیقات جاری ہیں‘‘۔

اسی سے متعلق پڑھیں:  پریشان نہ ہوں، خلافت کی سرزمین پر خیریت سے ہوں، لاپتا طالبہ کا پیغام

یہ بھی پڑھیں:              نورین کہاں‌ گئی؟ وی سی اور والد کے متضاد بیانات، معاملہ الجھ گیا

عرفان بلوچ نے کہا کہ تفتیشی ٹیم لاہور پہنچ گئی ہے اور ہم نے تحقیقات کا دائرہ وسیع کرتے ہوئے قانون نافذ کرنے والے اداروں سے مدد مانگ لی ہے، اداروں کی مدد سے یہ بات سامنے لائی جائے گی کہ لڑکی نے کس دہشت گرد تنظیم میں شمولیت کی۔

انہوں نے کہا کہ ’’کسی بھی شدت پسند تنظیم میں شمولیت کے حوالے سے کچھ کہنا قبل ازوقت ہوگا تاہم جلد تحقیقات مکمل کر کے تمام صورتحال سے آگاہ کیا جائے گا۔

Print Friendly, PDF & Email

Comments

comments

یہ بھی پڑھیں