حیدرآباد پولیس کا مزدور پر بہیمانہ تشدد -
The news is by your side.

Advertisement

حیدرآباد پولیس کا مزدور پر بہیمانہ تشدد

حیدرآباد:پولیس نے مبینہ طور پر ایک مزدور کو بہیمانہ تشدد کو نشانہ بنا کرذہنی مریض بنا ڈالا۔

تفصیلات کے مطابق حیدر آباد کے علاقے ہتھڑی تھانے کی پولیس نے ایک مزدور کوحراست میں لیا اور مبینہ طور پر اس حد تک تشدد کا نشانہ بنایا کہ وہ اپنا ذہنی توازن کھو بیٹھا ہے۔

مزدورر کا نام محمد لغاری بتایا گیا ہے اورذرائع کے مطابق پولیس نے اس مزدورکو تھانہ انچارج کے رشتے دار سے تنازعے کے سبب تحویل میں لیا۔

ذرائع کا کہنا ہے کہ پولیس کی جانب سے مبینہ طور پر آٹھ گھنٹے تک بہیمانہ تشدد کا نشانہ بنایا جس کے نتیجے میں محمد لغاری کے دونوں پیروں میں فریکچر ہوگیا ہے اور اس کے جسم کی کھال جگہ جگہ سے اتر چکی ہے۔


ذرائع کے مطابق پولیس نے مزدور کو تشدد کا نشانہ بنا کربغیرعلاج کرائے اس کے رشتے داروں کے حوالے کر کے گاوٗں بھجوادیا۔

مزدور کے اہل خانہ کے مطابق محمد لغاری کی حالت نازک ہے اور وہ اپنا ذہنی توازن کھو چکا ہے۔

Comments

comments

یہ بھی پڑھیں