The news is by your side.

Advertisement

حیدرآباد، دوسری شادی کی تیاری کرنے والا شوہر بیوی کے ہاتھوں قتل

حیدرآباد: سندھ کے شہر حیدرآباد میں دوسری شادی کی تیاری کرنے والے شوہر کو بیوی نے سہیلی کے ساتھ مل کر قتل کردیا۔

تفصیلات کے مطابق سندھ کے دوسرے بڑے شہر حیدرآباد میں دوسری شادی کی تیاری میں مصروف شوہر کو بیوی نے قتل کردیا، ملزمہ نے حمزہ کو 2 گولیاں ماریں اور لاش سڑک پر چھوڑ دی۔

رپورٹ کے مطابق بیوی نے اپنی سہیلی کے ساتھ مل کر شوہر کو ٹھکانے لگایا، حیدرآباد پولیس کو دوران تفتیش ملزمہ نگین نے بتایا کہ حمزہ نے دو سال پہلے اس سے پسند کی شادی کی تھی۔

عدالت نے نگین اور سارہ کو ریمانڈ پر پولیس کی تحویل میں دے دیا

ملزمہ کا کہنا تھا کہ شوہر اب گھر والوں کی مرضی سے شادی کررہا تھا، حمزہ کو سہیلی سارہ کے گھر بلایا اور گلستان روڈ پر لے جاکر گولیاں مار کر قتل کردیا۔

پولیس کے مطابق واردات میں استعمال پستول سارہ کا تھا، حمزہ کے بھائی کی مدعیت میں مقدمہ درج کرلیا گیا ہے۔

حیدرآباد پولیس نے ملزمہ نگین اور اس کی دوست سارہ کو عدالت میں پیش کیا جہاں معزز جج نے نگین اور سارہ کو ریمانڈ پر پولیس کی تحویل میں دے دیا۔

یاد رہے کہ دو ماہ قبل اسلام آباد ہائی کورٹ نے پہلی بیوی کی اجازت کے باوجود دوسری شادی کے لیے مصالحتی کونسل کی اجازت ضروری قرار دی تھی۔

Comments

comments

یہ بھی پڑھیں