ہائیڈروجن گیس سے چلنے والی ماحول دوست ٹرین کا افتتاح -
The news is by your side.

Advertisement

ہائیڈروجن گیس سے چلنے والی ماحول دوست ٹرین کا افتتاح

برلن: جرمنی میں عصر حاضر کی جدید ترین ٹرین متعارف کرادی گئی، ہائیڈروجن گیس کی مدد سے چلنے والی ریل گاڑی کو انسان دوست قرار دیا گیا ہے۔

تفصیلات کے مطابق  فرانسیسی کمپنی آلسٹوم نے ہائیڈرل نامی ٹرین تیار کی جس کی خاصیت یہ ہے کہ یہ ہائیڈروجن گیس سے چلتی ہے جس کی بنیاد پر ماہرین نے اسے دنیا کی پہلی ماحول دوست قرار دیا ہے۔

بین الاقوامی خبررساں ادارے کی رپورٹ کے مطابق ماحول دوست ٹرین کا افتتاح کردیا گیا، ہائیڈروجن سے چلنے والی فی الحال دو ٹرینیں تیار کی گئیں جو 60 میل فی گھنٹہ کی رفتار سے سفر طے کریں گی، پروجیکٹ کی کامیابی کے بعد ان کی تعداد کو بڑھایا جائے گا۔

مزید پڑھیں: دنیا کی پہلی ماحول دوست ہائیڈروجن ٹرین

ہائیڈروجن ٹرین کی رفتار ایک سو چالیس گھنٹہ فی کلومیٹر تک ہے جوابتداء میں جرمنی کے جنوبی صوبے  میں تقریباً باسٹھ میل کے علاقے میں سروس فراہم کرے گی۔

train-2

ہائیڈریل عام ٹرینوں کی طرح ہی کام کرتی ہے مگر اس کو منفرد اور ماحول دوست بنانے کے لیے ایک ایسا سسٹم نصب کیا گیا جو ہائیڈروجن اور آکسیجن کو ملا کر بجلی پیدا کرے گا، ٹرین اسی کی مدد سے چلے گی۔

ٹرین میں ہائیڈروجن گیس سے بھرا ہوا کا ایک ٹینک نصب کیا گیا  جس میں 300 مسافروں کے بیٹھنے کی گنجائش ہے،  ماحول دوست ، بہت خاموش اور پرسکون ٹرین صرف بھاپ اور پانی کے بخارات ہی فضا میں خارج کرے گی اور یہ ماحول کو نقصان نہیں پہنچائیں گے۔

یہ بھی پڑھیں: دنیا کے ماحول دوست ممالک

ماہرین کا کہنا ہے کہ ٹرین سے زہریلی گیس کا اخراج نہیں ہوتا جو مستقبل میں ماحول کے لیے بہت اچھا ثابت ہوگا کیونکہ ڈیزل اور دوسرے ایندھن سے نکلنے والے اخراج ہمارے ماحول میں خطرناک آلودگی پھیلا رہے ہیں۔

Comments

comments

یہ بھی پڑھیں