ورلڈ ریسلنگ انٹرٹینمنٹ (ڈبلیو ڈبلیو ای) کے سپر اسٹار گولڈ برگ نے رومن رینز کو دھمکی دے دی۔
ڈبلیو ڈبلیو ای سپر اسٹار گولڈ برگ اور یونیورسل چیمپئن رومن رینز ایلیمنیشن چیمبر میں 19 فروری کو مدمقابل ہوں گے، سب سے بڑا مقابلہ سعودی عرب کی ریاست جدہ میں ہوگا۔
واضح رہے کہ رومن رینز ایک سال سے زائد عرصے سے یونیورسل چیمپئن ہیں اور اب انہیں سینئر حریف گولڈ برگ کا چیلنج درپیش ہوگا۔
ویڈیو میں دیکھا جاسکتا ہے کہ گولڈ برگ حریف رومن رینز کو کہہ رہے ہیں میں آپ کو اپنے اگلے شکار کے طور پر تسلیم کرتا ہوں۔
.@WWERomanReigns, @Goldberg says "you’re next!” #SmackDown @HeymanHustle pic.twitter.com/zPx43UzFBQ
— WWE (@WWE) February 7, 2022
مداحوں کو دونوں ریسلرز کی فائٹ کا بے صبری سے انتظار ہیں اور ساتھ ہی یہ بھی کہہ رہے ہیں کہ اگر یوزوز برادرز نے میچ کے دوران مداخلت کی تو یہ گولڈ برگ کے ساتھ ناانصافی ہوگی۔
54 سالہ گولڈ برگ اور رومن رینز کا اس سے قبل مقابلہ ریسل مینیا 36 میں طے پایا تھا لیکن رومن رینز کی صحت کے مسائل کے باعث یہ میچ منسوخ کردیا گیا تھا۔
یاد رہے کہ گولڈ برگ نے اس سے قبل یونیورسل چیمپئن بروک لیسنر کو ڈھائی منٹ کے اندر رنگ میں ڈھیر کردیا تھا، لیسنر کی غیرمتوقع شکست کو دیکھ کر وہاں موجود مداح بھی حیران رہ گئے تھے۔
