The news is by your side.

Advertisement

متحدہ عرب امارات کے سفیر کی پاکستان کیلئے مثالی خدمات

اسلام آباد: پاکستان میں تعینات متحدہ عرب امارات(یو اے ای) کے سفیر حمد عبید ابراہیم الزعابی کا کہنا ہے کہ میں نے ہمیشہ پاکستانی بھائیوں کی مدد کا عزم کیا، جنوبی وزیرستان کے افراد کو مصنوعی اعضا لگانے کا قدم اٹھایا۔

تفصیلات کے مطابق متحدہ عرب امارات کی جانب سے خیبرپختونخوا کے ضلع جنوبی وزیرستان میں معذور افراد کو مصنوعی اعضا کی فراہمی سے متعلق ایک تقریب منعقد ہوئی جہاں ایم ڈی بیت المال ملک ظہیر عباس کھوکھر اور اماراتی سفیر حمد عبید ابراہیم الزعابی نے شرکت کی۔

حمد عبید ابراہیم الزعابی کا تقریب سے خطاب کرتے ہوئے کہنا تھا کہ جنوبی وزیرستان کے افراد میں مصنوعی اعضا لگانے کا قدم اٹھایا، مختلف شراکت داروں بالخصوص بیت المال کے ساتھ مل کر یہ کام کیا۔

پاکستان اور متحدہ عرب امارات سے متعلق مثبت خبر

انہوں نے بتایا کہ اب تک 61معذور افراد کو مصنوعی اعضا لگایے گئے ہیں، میں نے ہمیشہ پاکستانی بھائیوں کی مدد کاعزم کیا، یو اے ای اور پاکستان کے درمیان برادرانہ تعلقات ہیں، دونوں ملکوں کی قیادت کے مابین باہمی اعتماد پر مبنی رابط ہیں۔

دریں اثنا ایم ڈی بیت المال ظہیر عباس کھوکھر کا کہنا تھا کہ ہم متحدہ عرب امارات کی کاوشوں کو سراہتے ہیں، جنوبی وزیرستان میں بہت سے لوگ اعضا سے محروم ہوئے، اماراتی سفیر کی کوششوں سے خصوصی افراد کو اعضا لگایے۔

Comments

یہ بھی پڑھیں