The news is by your side.

Advertisement

’’سرفراز احمد کی ٹیم میں کپتان کی حیثیت سے واپسی ہوگی‘‘

کراچی: معروف کرکٹ کمنٹیٹر ایلن ولکنز نے کہا ہے کہ وہ سابق پاکستانی کپتان سرفراز احمد کے بہت بڑے پرستار ہیں۔

تفصیلات کے مطابق 66 سالہ ایلن ولکنز نے کہا کہ وکٹ کیپر بیٹسمین نے اپنی کپتانی میں پاکستانی کرکٹ ٹیم کو فتوحات سے ہمکنار کیا، میں ان کا بہت بڑا پرستار ہوں، سرفراز نے تینوں فارمیٹ میں ٹیم کی بہترین کپتانی کی۔

انہوں نے کہا کہ مجھے لگتا ہے کہ اس کے کندھوں پر بہت زیادہ ذمہ داری تھی اور سرفراز احمد نے اسے بخوبی نبھایا ہے۔

ایلن نے کہا کہ پاکستان کرکٹ میں مضحکہ خیز چیزیں رونما ہوتی ہیں اور سرفراز پاکستان کے کپتان کی حیثیت سے واپس آسکتے ہیں، پاکستان کرکٹ میں کچھ بھی ہوسکتا ہے سرفراز شاید پاکستان ٹیم کے کپتان کی حیثیت سے لوٹ سکتے ہیں۔

مزید پڑھیں: سابق کپتان سرفراز احمد کوچ بن گئے

سرفراز کی کپتانی میں بارے میں کوئی کچھ نہیں کہہ سکتا اس نے اپنے ملک کی اس سبز ٹوپی کے لیے سب کچھ کیا۔ انہوں نے مزید کہا کہ سرفراز ایک لاجواب کرکٹر ہے، اسے سیکھنا پسند ہے۔

احمد شہزاد کے بارے میں انہوں نے کہا کہ وہ ایک لاجواب نوجوان کرکٹر ہے، اسے سیکھنا پسند ہے، وہ میدان میں سو فیصد دیتے ہیں۔واضح رہے کہ ایلن ولکنز پی ایس ایل کے آغاز سے ہی پاکستان سپر لیگ سے وابستہ ہیں اور کمنٹیٹر کے فرائض سرانجام دیتے ہیں۔

Comments

یہ بھی پڑھیں