site
stats
کھیل

کرکٹر ہوں ، مجھے نعت خواں نہ بنائیں، سرفراز احمد

اسلام آباد:قومی کرکٹ ٹیم کے کپتان سرفراز احمد نے کہا ہے کہ مجھے کرکٹر رہنے دیں نعت خواں نہ بنائیں۔

تفصیلات کے مطابق قومی کرکٹ ٹیم کے چیمپئن کپتان سرفراز احمد حافظ قرآن ہیں اور وہ اپنی خوبصورت آواز میں نعتیں بھی پیش کرتے نظر آتے ہیں، سرفراز کی پہلی ویڈیو تین سال قبل انٹرنیٹ پر وائرل ہوئی تھی۔

چیمپئن کپتان کی آواز اس قدر خوبصورت ہے کہ اُن سے جب بھی کوئی ملاقات کرتا ہے تو انہیں نعت رسول مقبول ﷺ کا ہدیہ پیش کرنے کی استدعا کرتا نظر آتا ہے، ایسا ہی کچھ آج وزیراعظم ہاؤس میں بھی دکھائی دیا۔

پرانی ویڈیو

وزیراعظم کی جانب سے کھلاڑیوں کو دی جانے والی تقریب میں سرفرا احمد کو جب اسٹیج پر مدعو کیا گیا تو وزیراعظم اور شرکاء کی جانب سے نعت رسول مقبول ﷺ پیش کرنے کی فرمائش کی گئی جس پر قومی کرکٹ ٹیم کے کپتان نے کہا کہ ’’میں جہاں بھی جاتا ہوں سب مجھ سے نعت پڑھنے کی فرمائش کرتے ہیں، میں کرکٹر ہوں براہ مہربانی مجھے نعت خواں نہ بنائیں بلکہ کرکٹر ہی رہنے دیں‘‘۔

ویڈیو دیکھیں

بعد ازاں سرفراز نے ایک بار پھر حاضرین کی فرمائش کو مدنظر رکھتے ہوئے ہدیہ نعت پیش کی۔

یہ ویڈیو بھی دیکھیں

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top