رحیم یار خان: گوجرانوالہ میں اے ٹی ایم کارڈ چوری کے الزام میں گرفتار صلاح الدین کی دوران حراست پولیس تشدد میں ہلاکت پر شہری سراپا احتجاج ہیں اور صلاح الدین کے اہل خانہ انصاف کی فراہمی کا مطالبہ کررہے ہیں۔
تفصیلات کے مطابق چند روز قبل گوجرانوالہ میں صلاح الدین نامی شخص اے ٹی ایم کارڈ چراتے ہوئے پکڑا گیا تھا اسے پولیس نے حراست میں لیا اور دوران حراست تشدد کے باعث وہ زخموں کی تاب نہ لاتے ہوئے دم توڑ گیا۔
صلاح الدین کے والد کا کہنا تھا کہ بیٹا ذہنی مریض تھا، وہ اکثر اوقات ادھر ادھر نکل جاتا تھا اور ہم نے اس کے ہاتھ پر گھر کا پتا اور نام لکھوایا تھا تاکہ وہ گم ہوجائے تو کوئی اسے گھر پہنچادے۔
Time to protest against the silence of Chief Minister and the Lies of IG PUNJAB Bcz we all are Salahuddin- chief minister @UsmanAKBuzdar can u hear us? #IamSalahuddin pic.twitter.com/6v2MAcmpdD
— Hassaan Niazi (@HniaziISF) September 5, 2019
صلاح الدین کو اے ٹی ایم کی سی سی ٹی وی فوٹیج سے شناخت کرکے گرفتار کیا گیا تھا، وہ پولیس حراست میں ایک موقع پر اہلکاروں سے پوچھ رہا تھا ایک بات پوچھوں مارو گے تو نہیں، تم نے مارنا کہاں سے سیکھا ہے؟
سوشل میڈیا پر آئی ایم صلاح الدین کے نام سے ہیش ٹیگ ٹاپ ٹرینڈ بن گیا ہے اب شہریوں نے صلاح الدین کو انصاف دو لکھ کر اے ٹی ایم کو زبان چڑاتی سیلفیاں پوسٹ کرنا شروع کردی ہیں۔
We want justice for salahuddin.
Kindly share this video to help salahuddin’s father. #IamSalahuddin pic.twitter.com/be5Letsu2i— EmanSameen (@EmanSameen) September 5, 2019
دوسری جانب ڈسٹرکٹ اینڈ سیشن جج نے صلاح الدین کی موت کا نوٹس لیتے ہوئے حسین کو انکوائری آفیس مقرر کرتے ہوئے حتمی رپورٹ طلب کرلی ہے۔
واضح رہے کہ صلاح الدین کی موت کی خبر پر اعلیٰ حکام نے نوٹس لیتے ہوئے مذکورہ اے ایس آئی، تفتیشی افسر اور ایک اہلکار کے خلاف مقدمہ درج کرلیا تھا۔
Till you break the silence @UsmanAKBuzdar, and start doing some work … We all are Salahuddin. #IamSalahuddin #JusticeforSalahuddin pic.twitter.com/uASeGvYjJT
— فقیرِ عشق 💝 (@mfaizanahmad) September 5, 2019
خیال رہے کہ پولیس حراست میں تشدد سے ہلاکت کا یہ پہلا واقعہ نہیں ہے اس سے قبل بھی اس طرح کے متعدد واقعات سامنے آچکے ہیں اور پولیس کی جانب سے کہا جاتا ہے کہ ملزم دل کا دورہ پڑںے سے جاں بحق ہوا ہے۔
