The news is by your side.

Advertisement

ایسی حکومت پر لعنت بھیجتا ہوں جو امریکا کی مرضی سے ملے، سراج الحق

لاہور : امیر جماعت اسلامی سراج الحق نے کہا ہے کہ حکومت ملی تو الزامات کی نہیں بلکہ عوامی خدمت کی سیاست کریں گے، بے روز نوجوانوں کو الاؤنس اور بے گھرافراد کو گھر دیں گے۔

تفصیلات کے مطابق جماعت اسلامی پاکستان کے مرکزی امیر سراج الحق نے کہا ہے کہ حکمرانوں نے آپ کومہنگائی اور بے روزگاری کا تحفہ دیا، ملک کا سب سے بڑا مسئلہ لوڈشیڈنگ اور انصاف کی عدم فراہمی ہے.

امیر جماعت اسلامی سراج الحق کا کہنا ہے کہ عدالتوں میں وہ جا سکتا ہے جو وکیلوں کو بھاری فیسیں دے سکتا ہوں، غریبوں کوعدالتوں میں انصاف نہیں ملتا.

سراج الحق نے کہا ہے کہ حکومت ملی توغریب کا مقدمہ لڑنے کی ذمے داری ریاست کی ہوگی، ایسی حکومت پر لعنت بھیجتا ہوں جو امریکا کی مرضی سے مجھے ملے، ہم گالیاں نہیں دیں گے بلکہ محبت کی بات کریں گے.

امیر جماعت اسلامی کا کہنا تھا کہ الزامات کی نہیں بلکہ عوامی خدمت کی سیاست کریں گے، بے روز نوجوانوں کو الاؤنس اور بے گھرافراد کو گھر دیں گے، مینار پاکستان کے بعد اب پشاور میں 24 جولائی کو جلسہ کریں گے.

خیال رہے کہ  دو روز قبل سینیٹر سراج الحق نے ایک تقریب میں خطاب کرتے ہوئے کہا تھا کہ  متحدہ مجلس عمل آئین میں موجود اسلامی دفعات کی حفاظت کرے گی، 2018 کا انتخابی معرکہ ملک کے اسلامی تشخص کی حفاظت کا معرکہ ہے.

امیر جماعت اسلامی نے کہنا تھا کہ متحدہ مجلس عمل ملک میں نظام مصطفیٰ کے نفاذ کی جدوجہد کر رہی ہے، عوام اس معرکے میں متحدہ مجلس عمل کےامیدواروں کو کامیاب کرائیں.


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں