The news is by your side.

Advertisement

مددگار 15 پر جھوٹی کال کرنے والوں کے خلاف کاروائی ہوگی ، آئی جی سندھ

کراچی : آئی جی سندھ نے پولیس کو احکامات جاری کی ہیں جس میں بتایا گیا ہے کہ مددگار 15 پر تفریحاَ کالز کرنے والوں کے خلاف قانون کے مطابق کاوارئی کی جائے گی ۔

سندھ پولیس کی جانب سے جاری کردہ اعلامیہ کے مطابق آئی جی سندھ نے مددگار 15 کال سینٹر کی سال 2015 پر مشتمل مجموعی کارکردگی کا جائزہ لیتے ہوئے مزید احکامات میں پولیس افسران پر زور دیا کہ فی زمانہ موبائل ایس ایم ایس کی افادیت کو مد نظر رکھتے ہوئے مددگار 15 کے لئے ایس ایم ایس سروس کے آغاز کے لئے تمام تر ممکنہ اقدامات ،تجاویز کا احاطہ کرتے ہوئے تفصیلی رپورٹ برائے ملاحظہ ارسال کی جائے جس میں علاقوں کی سطح پر تاجربرادری ودیگر اسیٹک ہولڈرز کی مشاورت کو بھی ترجیح دی جائے۔

آئی جی سندھ کو مددگار 15 سینٹر کی سال 2015 میں کارکردگی کے حوالے سے رپورٹ میں بتایا گیا کہ ممجموعی طور پر موصول ہونے والی اکتالیس لاکھ اکیاون ہزار چار سو سینتالیس کالز سے پینتیس لاکھ بائیس ہزار چار سو چونتیس کالز تفریحاتھیں جبکہ تصدیق شدہ کالز پر متعلقہ پولیس کے بر وقت ریسپانس کے باعث پولیس کو نمایاں کامیابیاں ملی ہیں۔

رپورٹ کے مطابق گزشتہ سال تنازعات /جھگڑوں سے متعلق 31807 ، آگ سے متعلق 2198 ، نقدی چھیننے کے حوالے سے 2571 موبائل فون چھینے کے حوالے سے 8487 ، ٹریفک حادثات کی 5067 ودیگر اطلاعات سے متعلق مختلف کالز مددگار 15 کو موصول ہوئیں۔

Comments

comments

یہ بھی پڑھیں