The news is by your side.

Advertisement

کرپشن پر لعنت بھیجتا ہوں، قوم کی خدمت کی سزا دی جارہی ہے، نواز شریف

سمندری : سابق وزیراعظم نواز شریف نے کہا ہے کہ میں آج عدالت میں بیٹھا یہ سوچ رہا تھا کہ کیا مجھے قوم کی خدمت کرنے کی سزا دی جارہی ہے؟ مجھ پر جعلی مقدمے بنا دیئے گئے، کسی ٹھیکے پر ایک روپیہ بھی نہیں لیا، کرپشن پرلعنت بھیجتا ہوں۔

یہ بات انہوں نے سمندری میں جلسہ عام سے خطاب کرتے ہوئے کہی، نواز شریف نے کہا کہ میں عدالت سے سیدھا یہاں آیا ہوں، عدالت میں بیٹھا سوچ رہا تھا کہ یار نوازشریف آپ نے قوم کی تین بار خدمت کی ہے۔

چھ ایٹمی دھماکے کئے، بجلی بحران اور دہشت گردی کو جڑ سے ختم کرنے کی پوری کوشش کی، سی پیک اور موٹر ویز بنا رہے ہیں، لاہور، ملتان موٹروے بھی اگلے ماہ کھلنےوالی ہے، میں تو ملک وقوم کی خدمت کررہا تھا اور آج یہ مقدمے بھگتنے پڑ رہے ہیں، کیا مجھے دن رات قوم کی خدمت کرنے کی ہی سزا دی جارہی ہے؟

کیا مجھے دن رات قوم کی خدمت کرنے، پاکستان کو ترقی کی طرف لےجانے اور اندھیرے ختم کرنے کی سزادی جارہی ہے؟ کاش یہ مقدمہ براہ راست ٹی وی پر دکھایا جاسکتا، عدالت میں مخالفین کاروزانہ جھوٹ بے نقاب ہورہا ہے، آپ بھی اپنی آنکھوں سے دیکھیں اور کانوں سے سنیں کون سامقدمہ چل رہا ہے؟

انہوں نے کہا کہ نوازشریف نے ہمیشہ  ایمانداری سے کام کیا ،رشوت یا کمیشن کا ایک پیسہ لینے کا سوچ بھی نہیں سکتا، کسی ٹھیکے پر ایک روپیہ نہیں لیا میں کرپشن، کمیشن اور کک بیکس پر لعنت بھیجتا ہوں۔

آج عدالتوں میں پیشیوں کی نصف سنچری ہوگئی ہے، مسلم لیگ کی صدارت سے نکالا گیا،کیا یہ بےعزتی آپ کو منظور ہے، نواز شریف نے اس عزم کا اعادہ کیا کہ میں پیچھے ہٹنے والا بندہ نہیں، ظلم، زیادتی اور ناانصافی کا مقابلہ کروں گا، مجھے اپنے اصولوں کو پیچھے نہیں ہٹوں گا۔

انہوں نے شرکاء سے سوال کیا کہ کیا آپ میرے ساتھ ہیں؟ کیا مجھے اس فیصلے کیخلاف کھڑا رہنا چاہئے؟ میں آپ کو آواز دوں گا تو کیا میرا ساتھ دیں گے؟ جس کا لوگوں نے مثبت جواب دیا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

 

Comments

comments

یہ بھی پڑھیں