The news is by your side.

Advertisement

زندگی میں 2 بار خودکشی کا ارادہ کیا، معروف پاکستانی اداکارہ کا اعتراف

کراچی: پاکستانی ڈرامہ انڈسٹری کی معروف اداکارہ نازش جہانگیر نے اپنی زندگی کے تلخ لمحات سے متعلق انکشاف کرتے ہوئے کہا کہ انہوں نے والدہ کے انتقال کے بعد 2 بار خودکشی کرنے کا ارادہ کیا تھا۔

تفصیلات کے مطابق پاکستانی ڈرامہ انڈسٹری کی معروف اداکارہ نازش جہانگیر نے سماجی رابطے کی ویب سائٹ انسٹاگرام پر اپنے پیغام میں بتایا کہ وہ والدہ کے انتقال کے بعد ناامید ہوگئی تھیں، کسی سے بات کرنے سے قاصر تھیں اور سب کچھ ان کے لیے بے معنی تھا۔

نازش جہانگیر نے بتایا کہ وہ دس برس سے ڈپریشن میں مبتلا تھیں اور پھر اپنے لیے خود سے کھڑی ہوئیں اور ان لوگوں کو توجہ کا مرکز بنایا جن کے ساتھ اس طرح کے واقعات پیش آچکے تھے جس کے بعد مایوسیوں کا پتا لگا اور پھر مجھے اس بیماری سے نکلنے میں بہت زیادہ مدد ملی۔

View this post on Instagram

So here I am, I have been suicidal twice in my life after I lost my mother. I was hopeless I was unable to talk, everything was just meaningless for me. I have fought PTSD for 10 years as I mentioned this earlier but let me tell you all one thing very clearly, only I had a cure and that too within. I stoodup for myself, I took my every breakdown as a lesson, I fought my darkness and left it all behind me. I pray for everyone to be strong enough to talk about it and fight it the same way. There are times in your life when you don't feel right opening up to anyone, you don't even want to listen to anyone and that's the time where you have to talk your heart out and fight the depression living inside you, look for the positivity in your life, extract positivity from negativity, try to be kind with everyone,try to let people live their life the way they want to, try to not judge anyone. It's a request for wellbeing. Thankyou.❤️🙏🏻 #staypositive #staysafe #bekind #loveyourself #nazishjahangir

A post shared by Nazish Khan (@nazishjahangir) on

اداکارہ نے کہا کہ میں سب کے لیے دعا کرتی ہوں اتنے مضبوط ہوں کہ بیماری کے بارے میں بات کریں اور اس سے لڑیں، آپ کی زندگی میں ایسا وقت بھی آتا ہے جب آپ کسی سے بات کرنا مناسب نہیں سمجھتے، آپ کسی کی بات بھی سننا نہیں چاہتے اور یہی وہ وقت ہوتا ہے جب آپ کو اپنے دل کی بات کرنا ہوتی ہے اور اپنے اندر رہنے والی افسردگی کا مقابلہ کرنا ہوتا ہے۔

نازش جہانگیر نے کہا کہ آپ اپنی زندگی میں مثبت چیزیں تلاش کریں اور منفی چیزوں کو نکال باہر کریں، سب کے ساتھ نرمی سے پیش آئیں، لوگ زندگی کو جس طرح‌ گزارنا چاہتے ہیں‌ انہیں‌ گزارنے دیں اور ہر ایک بارے میں اندازے نہ لگائیں۔

واضح رہے کہ اسلام آباد سے تعلق رکھنے والی اداکارہ نازش جہانگیر نے اپنے کیرئیر کا آغاز 2015 میں کیا تھا۔

Comments

یہ بھی پڑھیں