سندھ پولیس پر اب میرا کنٹرول نہیں رہا، آئی جی سندھ کا وزیر اعلیٰ کو خط
The news is by your side.

Advertisement

سندھ پولیس پر اب میرا کنٹرول نہیں رہا، آئی جی سندھ کا وزیر اعلیٰ کو خط

کراچی: آئی جی سندھ اے ڈی خواجہ کا کہنا ہے کہ ایپکس کمیٹی کے فیصلوں پر کوئی عملدرآمد نہیں ہورہا۔ سندھ پولیس پر اب میرا کنٹرول نہیں رہا۔

آئی جی سندھ اے ڈی خواجہ نے یہ بات وزیراعلیٰ سندھ کو لکھے گئے اپنے ایک خط میں تحریر کی جس میں  آئی جی سندھ کا موقف تھا کہ ایپکس کمیٹی نے آئی جی سندھ کو مکمل طور پر با اختیار بنانے کا فیصلہ کیا تھا، تاہم کمیٹی کے فیصلوں کو نظر انداز کیا جارہا ہے۔

اے ڈی خواجہ نے اپنے خط میں واضح کیا کہ 1986 محکمہ داخلہ،سروسزجنرل ایڈمنسٹریشن کاسندھ پولیس میں عمل دخل ہے۔ پولیس ایکٹ کےمطابق سندھ پولیس کاسربراہ آئی جی ہے، 1986پولیس ایکٹ کی مکمل طورپرخلاف ورزی کی جارہی ہے، پولیس افسران کےتقرروتبادلےمنظوری لئےبغیرکئےجارہے ہیں۔

اے ڈی خواجہ کا کہنا تھا کہ سندھ پولیس کےافسران پر غیر قانونی کاموں کیلئے دباؤبڑھایاجارہا ہے جب کہ ایڈیشنل آئی جی،ڈی آئی جی فنانس کو آئی جی کی اجازت کے بغیر ہٹایا گیا۔

اے ڈی خواجہ نے وزیراعلیٰ سندھ سے درخواست کی کہ آپ شکایت کاازالہ کریں توسندھ  پولیس کا مفلوج نظام بحال ہوگا بہ صورت دیگر سندھ پولیس کانظام مفلوج ہونےسےصورتحال خراب ہونے کا خطرہ ہے۔

واضح رہے کہ کراچی میں گزشتہ چند روز سے ٹارگٹ کلنگ کے واقعات رونما ہورہے ہیں، گزشتہ روز نامعلوم افراد نے پولیس موبائل پر فائرنگ کرکے 3 پولیس اہلکاروں کو شہید کردیا تھا جبکہ اورنگی ٹاؤن میں پی ایس پی کے دو کارکنان کو ٹارگٹ کلنگ کا نشانہ بنایا گیا تھا۔

Comments

comments

یہ بھی پڑھیں