تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

’’امید ہے فواد عالم دوسری اننگز میں اچھا پرفارم کریں گے‘‘

ساؤتھمپٹن: قومی کرکٹ ٹیم کے اوپنر عابد علی کا کہنا ہے کہ امید ہے فواد عالم دوسری اننگز میں اچھا پرفارم کریں گے۔

اے آر وائی نیوز کی رپورٹ کے مطابق قومی کرکٹ ٹیم کے اوپنر عابد علی نے میڈیا سے گفتگو کرتے ہوئے کہا کہ فواد عالم کے پرفارم نہ کرنے پر پورا پاکستان مایوس ہوا ہے مگر امید ہے کہ دوسری اننگز میں وہ اچھا پرفارم کریں گے۔

عابد علی نے کہا کہ ہماری کوشش تھی کہ اچھا اسکور سیٹ کریں لیکن بارش کی وجہ سے ہمارے بلے باز جلدی آؤٹ ہوگئے۔

ایک سوال کے جواب میں انہوں نے کہا کہ جیمز اینڈرسن دنیا کے بہترین بولر ہیں اور میں اس چیز کو چیلنج سمجھ کر کھیل رہا تھا، میرا انگلینڈ میں پہلا ٹور ہے اس لیے مشکل پیش آئی لیکن کوچنگ ٹیم بہت محنت کررہی ہے دوسری اننگز میں اچھا کھیل پیش کروں گا۔

اوپنر بلے باز نے کہا کہ پہلے ٹیسٹ میچ میں جلدی آؤٹ ہونے پر معذرت ہی کرسکتا ہوں، یونس خان بیٹنگ بہتر سے بہتر کرنے کی کوشش کررہے ہیں۔

مزید پڑھیں: ساؤتھمپٹن ٹیسٹ کا پہلا روز، پاکستان کی آدھی ٹیم 126 رنز پر آؤٹ

واضح رہے کہ انگلینڈ کے خلاف دوسرے ٹیسٹ میچ پہلے روز پاکستان کی بیٹنگ لائن پھر دھوکا دے گئی، پہلے دن کے اختتام پر پاکستان نے 5 وکٹوں کے نقصان پر 126 رنز بنالیے، بابر اعظم 25 اور محمد رضوان 4 رنز کے ساتھ کریز پر موجود ہیں۔

کپتان اظہر علی پہلے ٹیسٹ کی طرح دوسرے ٹیسٹ میچ میں ناکام ہوئے اور 85 گیندوں پر 20 رنز بنا کر چلتے بنے، 11 سال بعد ٹیسٹ میں واپسی کرنے والے فواد عالم بغیر کوئی رن بنائے پویلین لوٹ گئے۔

اوپنر عابد علی نے 60 رنز کی ذمہ دارانہ اننگز کھیلی انہیں کرن نے برنس کے ہاتھوں کے کیچ آؤٹ کروایا، اسد شفیق 5 رنز بنا کر براڈ کی گیند پر سبلی کو کیچ دے بیٹھے۔

انگلینڈ کی جانب سے جیمز اینڈرسن نے دو کھلاڑیوں کو پویلین کی راہ دکھائی، اسٹیورٹ براڈ، کرن اور کرس ووکس نے ایک، ایک وکٹ حاصل کی۔

Comments

- Advertisement -
زاہد نور
زاہد نور
زاہد نور اے آر وائے نیوز کے ساتھ مانچسٹر سے بطور نمائندہ خصوصی منسلک ہیں